ਲਾਪਤਾ ਬੱਚਾ ਚਾਈਲਡ ਵੈੱਲਫੇਅਰ ਕਮੇਟੀ ਸ਼੍ਰੀ ਮੁਕਤਸਰ ਸਾਹਿਬ ਦੇ ਯਤਨਾਂ ਸਦਕਾ ਮਾਤਾ-ਪਿਤਾ ਦੇ ਕੀਤਾ ਹਵਾਲੇ
ਚੇਅਰਮੈਨ ਸਰਵਰਿੰਦਰ ਸਿੰਘ ਢਿੱਲੋਂ, ਮੈਂਬਰ ਮਨੀਸ਼ ਵਰਮਾ, ਮੈਂਬਰ ਅਮਰਜੀਤ ਵੱਲੋਂ ਸਾਰੀ ਕਾਗਜ਼ੀ ਕਾਰਵਾਈ ਕਰਕੇ ਬੱਚੇ ਨੂੰ ਮਾਤਾ-ਪਿਤਾ ਦੇ ਹਵਾਲੇ ਕੀਤਾ ਗਿਆ।
ਮਲੋਟ (ਸ਼੍ਰੀ ਮੁਕਤਸਰ ਸਾਹਿਬ) : ਚਾਈਲਡ ਵੈੱਲਫੇਅਰ ਕਮੇਟੀ ਜ਼ਿਲਾ ਸ਼੍ਰੀ ਮੁਕਤਸਰ ਸਾਹਿਬ ਦੇ ਚੇਅਰਮੈਨ ਸਰਵਰਿੰਦਰ ਢਿੱਲੋਂ, ਮੈਂਬਰ ਮਨੀਸ਼ ਵਰਮਾ ਨੂੰ ਖ਼ਬਰ ਮਿਲੀ ਸੀ ਕੇ ਇੱਕ ਬੱਚਾ ਜੋ ਕਿ ਮਾਤਾ-ਪਿਤਾ ਤੋਂ ਅਲੱਗ ਹੋ ਗਿਆ ਸੀ, ਜਿਸ ਨੂੰ ਮੇਲੇ ਵਿੱਚੋਂ ਪੁਲਿਸ ਦੀ ਮੱਦਦ ਨਾਲ ਰੈਸਕਿਉ ਕੀਤਾ ਗਿਆ ਅਤੇ ਫਿਰ ਬੱਚੇ ਨਾਲ ਗੱਲ ਕੀਤੀ ਗਈ ਤਾਂ ਬੱਚਾ ਆਪਣਾ ਨਾਮ ਅਤੇ ਮਾਤਾ-ਪਿਤਾ ਬਾਰੇ ਕੁੱਝ ਵੀ ਦੱਸਣ ਤੋਂ ਅਸਮੱਰਥ ਸੀ। ਇਸ ਦੌਰਾਨ ਚੇਅਰਮੈਨ ਸਰਵਰਿੰਦਰ ਢਿੱਲੋਂ, ਮੈਂਬਰ ਮਨੀਸ਼ ਵਰਮਾ, ਅਮਰਜੀਤ ਸਿੰਘ ਵੱਲੋਂ ਫ਼ੈਸਲਾ ਲੈ ਕੇ ਬੱਚੇ ਨੂੰ ਬਾਲ ਆਸ਼ਰਮ ਵਿਖੇ ਭੇਜ ਦਿੱਤਾ ਗਿਆ।
25 ਜਨਵਰੀ 2025 ਨੂੰ ਬੱਚੇ ਨੇ ਦੱਸਿਆ ਕਿ ਉਹ ਮਾਛੀਵਾੜਾ ਦਾ ਰਹਿਣ ਵਾਲਾ ਹੈ। ਚੇਅਰਮੈਨ ਸਰਵਰਿੰਦਰ ਸਿੰਘ ਢਿੱਲੋਂ ਵੱਲੋਂ ਸੀ.ਡਬਲਯੂ.ਸੀ ਲੁਧਿਆਣਾ ਦੇ ਚੇਅਰਮੈਨ ਗੁਰਜੀਤ ਰੋਮਾਣਾ ਨਾਲ ਗੱਲ ਕੀਤੀ ਗਈ ਉਹਨਾਂ ਵੱਲੋਂ ਮਾਛੀਵਾੜਾ ਦੀ ਪੁਲਿਸ ਨਾਲ ਗੱਲ ਕੀਤੀ ਗਈ ਅਤੇ ਇਸ ਬੱਚੇ ਬਾਰੇ ਦੱਸਿਆ ਗਿਆ ਕਿ ਬੱਚਾ ਗੁਰਦੁਆਰਾ ਚਰਨ ਕਮਲ ਦੇ ਨੇੜੇ-ਤੇੜੇ ਦਾ ਰਹਿਣ ਵਾਲਾ ਹੈ, ਪੁਲਿਸ ਵੱਲੋਂ ਬੱਚੇ ਦੇ ਮਾਤਾ-ਪਿਤਾ ਦੀ ਭਾਲ ਕਰ ਲਈ ਗਈ। 26 ਜਨਵਰੀ ਨੂੰ ਮਾਛੀਵਾੜਾ ਦੀ ਪੁਲਿਸ ਵੱਲੋਂ ਬੱਚੇ ਦੇ ਮਾਤਾ-ਪਿਤਾ ਨੂੰ ਨਾਲ ਲੈ ਕੇ ਚੇਅਰਮੈਨ ਸਰਵਰਿੰਦਰ ਸਿੰਘ ਢਿੱਲੋਂ ਨਾਲ ਸੰਪਰਕ ਕੀਤਾ ਗਿਆ ਅਤੇ ਸ਼੍ਰੀ ਮੁਕਤਸਰ ਸਾਹਿਬ ਵਿਖੇ ਉਹਨਾਂ ਦੇ ਦਫ਼ਤਰ ਪਹੁੰਚੇ। ਇਸ ਮੌਕੇ ਚੇਅਰਮੈਨ ਸਰਵਰਿੰਦਰ ਸਿੰਘ ਢਿੱਲੋਂ, ਮੈਂਬਰ ਮਨੀਸ਼ ਵਰਮਾ, ਮੈਂਬਰ ਅਮਰਜੀਤ ਵੱਲੋਂ ਸਾਰੀ ਕਾਗਜ਼ੀ ਕਾਰਵਾਈ ਕਰਕੇ ਬੱਚੇ ਨੂੰ ਮਾਤਾ-ਪਿਤਾ ਦੇ ਹਵਾਲੇ ਕੀਤਾ ਗਿਆ।
Author : Malout Live