ਟਿੱਕਾ ਜੈ ਸਿੰਘ ਸੋਢੀ ਬ੍ਰਿਟਿਸ਼ ਕੋਲੰਬੀਆ ਯੂਨੀਵਰਸਿਟੀ ਸ਼ੂਟਿੰਗ ਕਲੱਬ ਕੈਨੇਡਾ ਦਾ ਪ੍ਰਧਾਨ ਨਿਯੁਕਤ
ਮਲੋਟ:- ਭਾਰਤੀ ਰਾਸ਼ਟਰੀ ਜੂਨੀਅਰ ਟੀਮ ਦੇ ਮੈਂਬਰ ਰਹੇ ਟਿੱਕਾ ਜੈ ਸਿੰਘ ਸੋਢੀ ਨੂੰ ਬ੍ਰਿਟਿਸ਼ ਕੋਲੰਬੀਆ ਯੂਨੀਵਰਸਿਟੀ ਸ਼ੂਟਿੰਗ ਕਲੱਬ ਵੈਨਕੂਵਰ, ਕੈਨੇਡਾ ਦਾ ਪ੍ਰਧਾਨ ਚੁਣ ਲਿਆ ਗਿਆ ਹੈ। ਲਰਨਿਗ ਪਾਥਸ ਸਕੂਲ ਮੋਹਾਲੀ ਦੇ ਵਿਦਿਆਰਥੀ ਰਹੇ ਟਿੱਕਾ ਸੋਢੀ ਨੇ ਹਾਲ ਹੀ ਵਿੱਚ ਬ੍ਰਿਟਿਸ਼ ਕੋਲੰਬੀਆ ਯੂਨੀਵਰਸਿਟੀ ਵਿੱਚ ਡਿਗਰੀ ਕੋਰਸ ਵਿੱਚ ਦਾਖਲਾ ਲਿਆ ਸੀ। ਸ਼ੂਟਿੰਗ ਕਲੱਬ ਦੇ ਐਗਜ਼ੀਕਿਊਟਿਵ ਮੈਂਬਰਾਂ ਵੱਲੋਂ ਬੁਲਾਈ ਮੀਟਿੰਗ ਵਿੱਚ ਬਹੁਮਤ ਵੋਟ ਹਾਸਿਲ ਕਰਕੇ ਟਿੱਕਾ ਨੂੰ ਪ੍ਰਧਾਨ ਚੁਣ ਲਿਆ ਗਿਆ।
ਜਿਕਰਯੋਗ ਹੈ ਕਿ ਸ਼ੂਟਿੰਗ ਕਲੱਬ ਦੇ 400 ਦੇ ਕਰੀਬ ਮੈਂਬਰ ਹਨ। ਟਿੱਕਾ ਨੇ ਭਾਰਤ ਰਹਿੰਦਿਆਂ ਕਈ ਰਾਸ਼ਟਰੀ ਅਤੇ ਅੰਤਰਾਸ਼ਟਰੀ ਤਮਗੇ ਹਾਸਿਲ ਕੀਤੇ ਹਨ ਅਤੇ ਪੰਜਾਬ ਸਰਕਾਰ ਵੱਲੋਂ ਵੀ ਉਸ ਨੂੰ ਪ੍ਰਮਾਣ ਪੱਤਰ ਨਾਲ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ। ਇਸ ਪ੍ਰਾਪਤੀ ਤੇ ਉਸ ਦੇ ਕੋਚ ਅਤੇ ਨੈਸ਼ਨਲ ਰਾਈਫ਼ਲ ਐਸੋਸੀਏਸ਼ਨ ਆਫ਼ ਇੰਡੀਆ ਦੇ ਮੈਂਬਰ ਸੁਭਾਸ਼ ਰਾਣਾ ਅਤੇ ਲਰਨਿੰਗ ਸਕੂਲ ਮੋਹਾਲੀ ਦੇ ਡਾਇਰੈਕਟਰ ਰੋਬਿਨ ਅਗਰਵਾਲ ਨੇ ਉਸ ਨੂੰ ਵਧਾਈ ਦਿੱਤੀ।
Author : Malout Live
