ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਪਿੰਡ ਮਲੋਟ ਵਿੱਚ ਮਨਾਇਆ ਗਿਆ ਸਤੰਬਰ 2022 ਪੋਸ਼ਣ ਮਾਹ
ਮਲੋਟ: ਸਿੱਖਿਆ ਵਿਭਾਗ ਦੀਆਂ ਹਦਾਇਤਾਂ ਤੇ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਦੇ ਦਿਸ਼ਾ ਨਿਰਦੇਸ਼ਾਂ ਦੇ ਅਨੁਸਾਰ ਸ.ਸ.ਸ ਸਕੂਲ ਪਿੰਡ ਮਲੋਟ ਵਿਖੇ ਪ੍ਰਿੰਸੀਪਲ ਸ਼੍ਰੀਮਤੀ ਕਮਲਾ ਦੇਵੀ ਦੀ ਯੋਗ ਅਗਵਾਈ ਅਧੀਨ ਸਤੰਬਰ 2022 ਦਾ ਮਹੀਨਾ ਪੋਸ਼ਣ ਮਾਹ ਵਜੋਂ ਮਨਾਇਆ ਗਿਆ l ਇਸ ਦੌਰਾਨ ਸ਼੍ਰੀਮਤੀ ਅਮਰਪ੍ਰੀਤ ਕੌਰ, ਸ਼੍ਰੀਮਤੀ ਰੇਖਾ ਰਾਣੀ, ਸ਼੍ਰੀਮਤੀ ਰੇਨੂ ਨਾਗਪਾਲ, ਸ਼੍ਰੀਮਤੀ ਗੀਤਿਕਾ ਅਤੇ ਸ਼੍ਰੀਮਤੀ ਨਵਜੋਤ, ਮਿਸ. ਰਮਨੀਕ, ਮਿਸ ਪਰਵਿੰਦਰ ਕੌਰ ਦੁਆਰਾ ਬੱਚਿਆਂ ਨੂੰ ਚੰਗੀ ਤੇ ਸੰਤੁਲਿਤ ਖ਼ੁਰਾਕ, ਗਿੱਲੇ ਤੇ ਸੁੱਕੇ ਕੂਡ਼ੇ ਦੀ ਸਾਂਭ ਸੰਭਾਲ ਬਾਰੇ ਜਾਗਰੂਕ ਕੀਤਾ ਗਿਆ।
ਸਕੂਲ ਮੀਡੀਆ ਕੁਆਰਡੀਨੇਟਰ ਸੰਗੀਤਾ ਮਦਾਨ ਨੇ ਇਹ ਸਾਰੀ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਸਕੂਲਾਂ ਵਿੱਚ ਚੱਲ ਰਹੇ ਮਿਡ- ਡੇ -ਮੀਲ ‘ਚ ਕੰਮ ਕਰੇ ਰਹੇ ਹੈਲਪਰਾਂ ਨੂੰ ਰਸੋਈ ਦੀ ਸਾਫ਼-ਸਫ਼ਾਈ ਬਾਰੇ ਵੀ ਜਾਗਰੂਕ ਕੀਤਾ ਗਿਆ। ਬੱਚਿਆਂ ਵੱਲੋਂ ਕਿਚਨ ਗਾਰਡਨ ‘ਚ ਨਵੇਂ ਬੂਟੇ ਲਗਾ ਕੇ ਬੂਟੇ ਦੀ ਸਾਂਭ ਸੰਭਾਲ ਵੱਲ ਵੀ ਧਿਆਨ ਦਿੱਤਾ ਗਿਆ। ਬੱਚਿਆਂ ਦੇ ਲੇਖ ਮੁਕਾਬਲੇ, ਪੇਂਟਿੰਗ ਮੁਕਾਬਲੇ, ਗਰੁੱਪ ਡਿਸਕਸ਼ਨ ਕਰਵਾਈ ਗਈ। ਪ੍ਰਿੰਸੀਪਲ ਮੈਡਮ ਵੱਲੋਂ ਜੇਤੂ ਬੱਚਿਆਂ ਨੂੰ ਸਨਮਾਨਿਤ ਕੀਤਾ ਗਿਆ।
Author: Malout Live
