ਸੜਕ ਹਾਦਸੇ 'ਚ ਰਿਟਾਇਰਡ ਪਟਵਾਰੀ ਦੀ ਮੌਤ
ਮਲੋਟ:- ਬੀਤੇ ਦਿਨ ਸਵੇਰੇ ਸੈਰ ਕਰ ਰਹੇ ਰਿਟਾਇਰਡ ਪਟਵਾਰੀ ਗੁਰਸੇਵਕ ਸਿੰਘ ਦੀ ਸੜਕ ਹਾਦਸੇ ਵਿਚ ਮੌਤ ਹੋ ਗਈ। ਜਾਣਕਾਰੀ ਅਨੁਸਾਰ ਰਿਟਾਇਰਡ ਪਟਵਾਰੀ ਗੁਰਸੇਵਕ ਸਿੰਘ ਆਪਣੇ ਪਿੰਡ ਜੰਡਵਾਲਾ ਤੋਂ ਰੋਜ਼ਾਨਾ ਪੈਦਲ ਸੈਰ ਕਰਨ ਲਈ ਬਠਿੰਡਾ ਰੋਡ 'ਤੇ ਜਾਂਦੇ ਸਨ ਅਤੇ ਰੋਜ਼ਾਨਾ ਦੀ ਤਰ੍ਹਾਂ ਜਦੋਂ ਉਹ ਸਵੇਰੇ ਕਰੀਬ ਸਾਢੇ ਪੰਜ ਵਜੇ
ਸੈਰ ਕਰਨ ਲਈ ਬਠਿੰਡਾ ਰੋਡ 'ਤੇ ਜਾ ਰਹੇ ਸਨ, ਤਾਂ ਇਕ ਕਾਰ ਨੇ ਜ਼ੋਰਦਾਰ ਟੱਕਰ ਮਾਰੀ ਜਿਸ ਨਾਲ ਪਟਵਾਰੀ ਗੁਰਸੇਵਕ ਸਿੰਘ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਲਾਸ਼ ਨੂੰ ਪੋਸਟਮਾਰਟਮ ਲਈ ਸਰਕਾਰੀ ਹਸਪਤਾਲ ਦੀ ਮੋਰਚਰੀ ਵਿਚ ਰਖਵਾਇਆ ਗਿਆ ਹੈ ਅਤੇ ਪੁਲਿਸ ਮਾਮਲੇ ਦੀ ਪੜਤਾਲ ਕਰ ਰਹੀ ਹੈ। Author : Malout Live
