ਸਕੂਲ ਪੜ੍ਹਨ ਗਈ ਲੜਕੀ ਲਾਪਤਾ

ਮਲੋਟ, 10 ਅਕਤੂਬਰ (ਗੁਰਮੀਤ ਸਿੰਘ ਮੱਕੜ)-ਪਿੰਡ ਔਲਖ ਦੀ ਇਕ ਲੜਕੀ 16 ਸਤੰਬਰ 2019 ਨੂੰ ਸਕੂਲ ਵੈਨ ਰਾਹੀ ਸ਼ਹਿਰ ਦੇ ਸਰਕਾਰੀ ਸਕੂਲ ਪੜ੍ਹਨ ਗਈ, ਪਰ ਹਾਲੇ ਤੱਕ ਘਰ ਨਹੀਂ ਪਹੁੰਚੀ। ਲੜਕੀ ਦੇ ਪਿਤ ਗੁਰਸੇਵਕ ਸਿੰਘ ਨੇ ਪੁਲਿਸ ਨੂੰ ਆਪਣੀ ਸ਼ਿਕਾਇਤ ਵਿਚ ਦੱਸਿਆ ਕਿ ਉਸ ਦੀ ਲੜਕੀ ਬੀਤੀ 16 ਸਤੰਬਰ 2019 ਨੂੰ ਸਵੇਰ ਦੇ ਸਮੇਂ ਸਕੂਲ ਵੈਨ ‘ਤੇ ਸ਼ਹਿਰ ਦੇ ਸਕੂਲ ਪੜ੍ਹਨ ਆਈ ਸੀ, ਪਰ ਲਗਪਗ 25 ਦਿਨ ਬੀਤ ਜਾਣ ਦੇ ਬਾਅਦ ਵੀ ਉਹ ਘਰ ਵਾਪਿਸ ਨਹੀਂ ਆਈ । ਉਸ ਨੇ ਦੱਸਿਆ ਕਿ ਉਨ੍ਹਾਂ ਵਲੋਂ ਲੜਕੀ ਦੀ ਆਲੇ-ਦੁਆਲੇ ਦੇ ਇਲਾਕਿਆਂ ਵਿਚ ਬਹੁਤ ਭਾਲ ਕੀਤੀ ਗਈ, ਪਰ ਹਾਲੇ ਤੱਕ ਉਸ ਦਾ ਕੋਈ ਪਤਾ ਨਹੀਂ ਲੱਗ ਸਕਿਆ। ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।