ਇਨਸਾਨੀਅਤ ਸ਼ਰਮਸਾਰ : ਮੱਛੀ ਪਲਾਂਟ ‘ਚੋਂ ਮਿਲਿਆ ਭਰੂਣ

ਮਲੋਟ:- ਸਥਾਨਕ ਥਾਣਾ ਸਦਰ ਪੁਲਿਸ ਨੇ ਮੱਛੀ ਪਲਾਂਟ ‘ ਚ ਸੁੱਟੇ ਭਰੂਣ ਨੂੰ ਆਪਣੇ ਕਬਜ਼ੇ ਵਿਚ ਲੈ ਕੇ ਅਣਪਛਾਤੇ ਵਿਅਕਤੀ ਵਿਰੁੱਧ ਮਾਮਲਾ ਦਰਜ ਕੀਤਾ ਹੈ । ਸਾਬਕਾ ਪੰਚਾਇਤ ਮੈਂਬਰ ਗੁਰਮੁੱਖ ਸਿੰਘ , ਵਾਸੀ ਗੁਰੂ ਕੇ ਆਸਲ ਈਨਾਖੇੜਾ ਪੁਲਿਸ ਨੂੰ ਦਿੱਤੇ ਆਪਣੇ ਬਿਆਨਾਂ ‘ ਚ ਦੱਸਿਆ ਕਿ ਉਹ ਆਪਣੇ ਸਾਥੀ ਦਵਿੰਦਰ ਸਿੰਘ ਨਾਲ ਆਪਣੇ ਮੱਛੀ ਪਲਾਂਟ ‘ ਤੇ ਗਿਆ ਸੀ ਤਾਂ ਉਨ੍ਹਾਂ ਦੇਖਿਆ ਕਿ ਮੱਛੀ ਪਲਾਂਟ ਵਿਚ ਪੋਲੀਥੀਨ ‘ ਚ ਕੋਈ ਚੀਜ਼ ਤੈਰ ਰਹੀ ਸੀ । ਉਨ੍ਹਾਂ ਨੇ ਇਸ ਬਾਹਰ ਕੱਢ ਕੇ ਵੇਖਿਆ ਤਾਂ ਉਸ ਵਿਚ ਇਕ ਭਰੂਣ ਸੀ , ਜਿਸ ਉਪਰੰਤ ਉਨ੍ਹਾਂ ਵਲੋਂ ਇਸਦੀ ਜਾਣਕਾਰੀ ਥਾਣਾ ਸਦਰ ਵਿਚ ਦਿੱਤੀ ਗਈ , ਜਿਸ ਉਪਰੰਤ ਪੁਲਿਸ ਨੇ ਉਸ ਸਥਾਨ ‘ ਤੇ ਪਹੁੰਚ ਕੇ ਭਰੂਣ ਨੂੰ ਆਪਣੀ ਕਬਜ਼ੇ ਵਿਚ ਲੈ ਲਿਆ । ਗੁਰਮੁੱਖ ਸਿੰਘ ਨੇ ਇਸ ਨੂੰ ਬਾਹਰ ਕੱਢ ਕੇ ਇਸ ਦੀ ਸੂਚਨਾ ਸਦਰ ਮਲੋਟ ਦੀ ਪੁਲਿਸ ਨੂੰ ਦਿੱਤੀ। ਐੱਸ. ਐੱਚ. ਓ. ਮਲਕੀਤ ਸਿੰਘ ਦੀ ਅਗਵਾਈ ਹੇਠ ਪੁਲਸ ਪਾਰਟੀ ਨੇ ਮੌਕੇ ਪੁੱਜ ਕੇ ਜਾਂਚ ਕੀਤੀ ਅਤੇ ਗੁਰਮੁੱਖ ਸਿੰਘ ਦੇ ਬਿਆਨਾਂ ‘ਤੇ ਸਦਰ ਮਲੋਟ ਵਿਖੇ ਅਣਪਛਾਤੇ ਲੋਕਾਂ ਖਿਲਾਫ ਮਾਮਲਾ ਦਰਜ ਕਰ ਦਿੱਤਾ। ਐੱਸ. ਐੱਚ. ਓ. ਮਲਕੀਤ ਸਿੰਘ ਨੇ ਦੱਸਿਆ ਕਿ ਇਹ ਭਰੂਣ ਨਰ ਹੈ ਜਾਂ ਮਾਦਾ, ਇਸ ਦੀ ਪੁਸ਼ਟੀ ਨਹੀਂ ਹੋਈ, ਜਿਸ ਕਾਰਨ ਉਸ ਨੂੰ ਮਲੋਟ ਦੇ ਸਿਵਲ ਹਸਪਤਾਲ ਭੇਜ ਦਿੱਤਾ।