ਬਾਯੋਸਟੈਡ ਇੰਡੀਆ ਲਿਮਟਿਡ ਵੱਲੋਂ ਰਾਏ ਕੇ ਕਲਾਂ ਸਕੂਲ ਦੇ ਨੌਂਵੀ ਜਮਾਤ ਦੀ ਸਲਾਨਾ ਪ੍ਰੀਖਿਆ ਵਿੱਚ ਵਧੀਆ ਕਾਰਗੁਜ਼ਾਰੀ ਕਰਨ ਵਾਲੇ 10 ਵਿਦਿਆਰਥੀਆਂ ਨੂੰ ਕੀਤਾ ਸਨਮਾਨਿਤ
,
ਮਲੋਟ (ਬਠਿੰਡਾ): ਸ.ਸ.ਸ.ਸਕੂਲ ਰਾਏਕੇ ਕਲਾਂ ਵਿਖੇ ਬਾਯੋਸਟੈਡ ਇੰਡੀਆ ਲਿਮਟਿਡ ਵੱਲੋਂ ਸਕੂਲ ਦੇ ਨੌਂਵੀ ਜਮਾਤ ਦੀ ਸਲਾਨਾ ਪ੍ਰੀਖਿਆ ਮਾਰਚ 2023 ਵਿੱਚ ਵਧੀਆ ਕਾਰਗੁਜ਼ਾਰੀ ਕਰਨ ਵਾਲੇ 10 ਵਿਦਿਆਰਥੀਆਂ ਨੂੰ 2500/- ਰੁਪਏ ਪ੍ਰਤੀ ਵਿਦਿਆਰਥੀ ਸਹਿਯੋਗ ਰਾਸ਼ੀ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਬਾਯੋਸਟੈਡ ਇੰਡੀਆ ਲਿਮਟਿਡ ਦੇ ਪੰਜਾਬ ਦੇ ਹੈੱਡ (R.S.M) ਸ਼੍ਰੀ ਪੰਕਜ ਗੁਪਤਾ ਅਤੇ ਬੱਬੂ ਟਰੇਡਿੰਗ ਕੰਪਨੀ ਰਾਏ ਕੇ ਕਲਾਂ ਤੋਂ ਸ੍ਰ. ਗੁਰਤੇਜ ਸਿੰਘ ਵਿਸ਼ੇਸ਼ ਤੌਰ ਤੇ ਪਹੁੰਚੇ।
ਸਕੂਲ ਦੇ ਪ੍ਰਿੰਸੀਪਲ ਸ੍ਰ. ਕੁਲਵਿੰਦਰ ਸਿੰਘ ਨੇ ਵਿਦਿਆਰਥੀਆਂ ਨੂੰ ਸਖਤ ਮਿਹਨਤ ਕਰਨ ਲਈ ਪ੍ਰੇਰਿਤ ਕੀਤਾ ਅਤੇ ਬਾਯੋਸਟੈਡ ਇੰਡੀਆ ਲਿਮਟਿਡ ਦੇ RSM ਪੰਕਜ ਗੁਪਤਾ ਅਤੇ ਬੱਬੂ ਟਰੇਡਿੰਗ ਕੰਪਨੀ ਰਾਏ ਕੇ ਕਲਾਂ ਤੋਂ ਸ੍ਰ. ਗੁਰਤੇਜ ਸਿੰਘ ਜੀ ਨੂੰ ਜੀ ਆਇਆ ਕਿਹਾ। ਕੰਪਨੀ ਵੱਲੋਂ ਇਨਾਮ ਪ੍ਰਾਪਤ ਕਰਨ ਵਾਲੇ ਵਿਦਿਆਰਥੀਆਂ ਅਤੇ ਮਾਪਿਆਂਨੂੰ ਵਧਾਈ ਦਿੱਤੀ। ਇਸ ਮੌਕੇ ਸਕੂਲ ਦਾ ਸਮੂਹ ਸਟਾਫ, ਪਿੰਡ ਦੇ ਪਤਵੰਤੇ ਸੱਜਣ ਤੋਂ ਇਲਾਵਾ ਵਿਦਿਆਰਥੀਆਂ ਦੇ ਮਾਪੇ ਹਾਜ਼ਿਰ ਸਨ। Author: Malout Live
