ਮਲੋਟ ਪੁਲਿਸ ਨੇ 20 ਕਿੱਲੋ ਚੂਰਾ ਪੋਸਤ ਸਮੇਤ ਇੱਕ ਵਿਅਕਤੀ ਨੂੰ ਕੀਤਾ ਗ੍ਰਿਫਤਾਰ
ਮਲੋਟ : ਬੀਤੇ ਦਿਨ ਸੀ.ਆਈ.ਏ ਸਟਾਫ਼ ਮਲੋਟ ਦੀ ਟੀਮ ਨੇ ਇੱਕ ਵਿਅਕਤੀ ਨੂੰ ਭਾਰੀ ਮਾਤਰਾ ਵਿੱਚ ਚੂਰਾ ਪੋਸਤ ਸਮੇਤ ਗ੍ਰਿਫ਼ਤਾਰ ਕੀਤਾ ਹੈ। ਏ.ਐੱਸ.ਆਈ ਗੁਰਮੀਤ ਸਿੰਘ ਅਤੇ ਏ.ਐੱਸ.ਆਈ ਬਲਜਿੰਦਰ ਸਿੰਘ ਸਮੇਤ ਟੀਮ ਨੇ ਘੱਗਾ ਤੋਂ ਜੰਡਵਾਲਾ ਲਿੰਕ ਮਾਰਗ ਤੇ ਸਿਰ ਤੇ ਗੱਟਾ ਚੁੱਕ ਕੇ ਆ ਰਹੇ ਇੱਕ ਵਿਅਕਤੀ ਨੂੰ ਸ਼ੱਕੀ ਹਾਲਤ ਵਿੱਚ ਵੇਖਿਆ। ਉਕਤ ਵਿਅਕਤੀ ਪੁਲਿਸ ਟੀਮ ਨੂੰ ਵੇਖ ਕੇ ਅਮਰੂਦਾਂ ਦੇ ਬਾਗ ਵੱਲ ਨੂੰ ਮੁੜ ਪਿਆ, ਜਿੱਥੇ ਉਹ ਠੇਡਾ ਲੱਗਣ ਕਰਕੇ ਡਿੱਗ ਪਿਆ ਅਤੇ ਉਸ ਦੇ ਸਿਰ ਉੱਪਰ ਰੱਖਿਆ ਗੱਟਾ ਵੀ ਥੱਲੇ ਡਿੱਗ ਕੇ ਖੁੱਲ੍ਹ ਗਿਆ।
ਉਕਤ ਵਿਅਕਤੀ ਨੂੰ ਸਮੇਤ ਡਿੱਗੇ ਹੋਏ ਗੱਟੇ ਸਮੇਤ ਕਾਬੂ ਕਰਕੇ ਨਾਮ ਪਤਾ ਪੁੱਛਣ ਤੇ ਉਸਨੇ ਆਪਣਾ ਨਾਮ ਰਣਜੀਤ ਸਿੰਘ ਦੱਸਿਆ। ਜਿਸ ਦੀ ਇਤਲਾਹ ਥਾਣਾ ਭੇਜੀ ਗਈ, ਜਿਸ ਤੇ ਸ੍ਰ. ਗੁਰਮੀਤ ਸਿੰਘ ਨੇ ਮੌਕੇ ਤੇ ਪੁੱਜ ਕੇ ਗੱਟੇ ਦੀ ਤਲਾਸ਼ੀ ਕੀਤੀ, ਜਿਸ ਵਿੱਚੋਂ 20 ਕਿੱਲੋ ਚੂਰਾ ਪੋਸਤ ਬਰਾਮਦ ਹੋਇਆ, ਜਿਸ ਤੇ ਉਕਤ ਵਿਅਕਤੀ ਤੋਂ ਚੂਰਾ ਪੋਸਤ ਬਰਾਮਦ ਕਰ ਮੁਕੱਦਮਾ ਨੰਬਰ 09 ਮਿਤੀ 17-01-2024 ਅ/ਧ 15B/61/85 NDPS ACT ਤਹਿਤ ਥਾਣਾ ਸਿਟੀ ਮਲੋਟ ਵਿਖੇ ਰਜਿਸਟਰ ਕੀਤਾ ਗਿਆ। Author: Malout Live
