ਡੀ.ਏ.ਵੀ ਕਾਲਜ, ਮਲੋਟ ਵਿਖੇ ਆਪਣਾ ਕਾਰਜਕਾਲ ਪੂਰਾ ਹੋਣ ਤੇ ਡਾ. ਆਰ. ਕੇ. ਉੱਪਲ ਨੂੰ ਦਿਲੋਂ ਵਿਦਾਇਗੀ

 ਮਲੋਟ:- ਡੀ. ਏ. ਵੀ. ਵਿਖੇ ਕਾਲਜ ਪ੍ਰਿੰਸੀਪਲ ਡਾ. ਏਕਤਾ ਖੋਸਲਾ ਜੀ ਦੀ ਅਗਵਾਈ ਹੇਠ ਅਰਥਸ਼ਾਸਤਰ ਵਿਭਾਗ ਦੇ ਮੁਖੀ ਡਾ. ਆਰ. ਕੇ. ਉੱਪਲ ਦੀ ਸੇਵਾ-ਮੁਕਤੀ ਤੇ ਵਿਦਾਇਗੀ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ। ਸਭ ਤੋਂ ਪਹਿਲਾਂ ਮੈਡਮ ਪ੍ਰਿੰਸੀਪਲ ਨੇ ਰਸਮੀ ਤੇ ਗੁਲਦਸਤੇ ਨਾਲ ਉਹਨਾਂ ਨੂੰ ਜੀ ਆਇਆਂ ਕਿਹਾ ਅਤੇ ਉਹਨਾਂ ਹੱਥੋਂ ਕਾਲਜ ਵਿਖੇ ਅੰਬ ਦਾ ਬੂਟਾ ਵੀ ਲਗਵਾਇਆ। ਅਕਾਦਮਿਕਤਾ ਦੇ ਖੇਤਰ ਅਤੇ ਖੋਜ ਦੀ ਸ਼੍ਰੇਣੀ ਦੋਵਾਂ ਵਿਚ ਵਿਸ਼ਾਲ ਪ੍ਰਾਪਤੀਆਂ ਲਈ ਮੈਡਮ ਪ੍ਰਿੰਸੀਪਲ ਨੇ ਉਹਨਾਂ ਦੀ ਭਰਪੂਰ ਸ਼ਲਾਘਾ ਕੀਤੀ।

ਡਾ. ਉੱਪਲ ਨੇ ਆਪਣੇ ਤਜ਼ੁਰਬੇ ਅਤੇ ਆਪਣੀਆਂ ਪੁਰਾਣੀਆਂ ਯਾਦਾਂ ਨੂੰ ਸਭ ਦੇ ਨਾਲ ਸਾਂਝੇ ਕੀਤਾ ਅਤੇ ਕਿਹਾ ਕਿ ਇਹ ਸੰਸਥਾ ਉਹਨਾਂ ਲਈ ਮਾਂ ਨਾਲੋਂ ਘੱਟ ਨਹੀਂ। ਇਹ ਪ੍ਰਸ਼ੰਸਾ ਯੋਗ ਹੈ ਕਿ ਇਸ ਵਿਦਵਾਨ ਨੇ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਅਕਾਦਮਿਕ ਉੱਤਮਤਾਦੇ ਸਿਖਰ ਤੇ ਪਹੁੰਚਣ ਲਈ ਟੀਚੇ ਨਿਰਧਾਰਤ ਕੀਤੇ ਹਨ। ਮੈਡਮ ਤਜਿੰਦਰ ਕੌਰ, ਮੈਡਮ ਨੀਲਮ ਭਾਰਦਵਾਜ ਅਤੇ ਸ੍ਰੀ ਅਨਿਲ ਕੁਮਾਰ ਵੀ ਇਸ ਮੌਕੇ ਹਾਜ਼ਰ ਸਨ।