ਸਰਕਾਰੀ ਮਿਡਲ ਸਕੂਲ, ਵਾਰਡ ਨੰਬਰ 2 ਵਿਖੇ ਸੰਨੀ ਓਬਰਾਏ ਕਲੀਨੀਕਲ ਲੈਬ ਮਲੋਟ ਵੱਲੋਂ 58 ਬੱਚਿਆਂ ਦੇ ਬਲੱਡ ਗਰੁੱਪ ਕੀਤੇ ਗਏ ਚੈੱਕ
ਮਲੋਟ: ਮਾਨਯੋਗ ਡਾ. ਐੱਸ.ਪੀ ਸਿੰਘ ਓਬਰਾਏ ਦੀ ਗਤੀਸ਼ੀਲ ਅਗਵਾਈ ਹੇਠ ਪੰਜਾਬ ਭਰ ਦੇ ਸਰਕਾਰੀ ਸਕੂਲਾਂ ਦੇ ਜ਼ਰੂਰਤਮੰਦ ਬੱਚਿਆਂ ਦਾ ਮੁਫ਼ਤ ਬਲੱਡ ਗਰੁੱਪ ਚੈੱਕ ਕਰਨ ਦਾ ਐਲਾਨ ਕੀਤਾ ਹੈ। ਇਸੇ ਲੜੀ ਤਹਿਤ ਮਲੋਟ ਸ਼ਹਿਰ ਦੇ ਸਰਕਾਰੀ ਮਿਡਲ ਸਕੂਲ, ਵਾਰਡ ਨੰਬਰ 2 ਵਿਖੇ ਸੰਨੀ ਓਬਰਾਏ ਕਲੀਨੀਕਲ ਲੈਬ ਮਲੋਟ ਵੱਲੋਂ 58 ਬੱਚਿਆਂ ਦੇ ਬਲੱਡ ਗਰੁੱਪ ਚੈੱਕ ਕੀਤੇ ਗਏ। ਇਸ ਮੌਕੇ ਸਮਾਜ ਸੇਵੀ ਐਡਵੋਕੇਟ ਸੁਦਰਸ਼ਨ ਜੱਗਾ ਨੇ ਮੁੱਖ ਮਹਿਮਾਨ ਵਜੋਂ ਪਹੁੰਚ ਕੇ ਇਸ ਕੈਂਪ ਦੀ ਸ਼ੁਰੂਆਤ ਕਰਵਾਈ।
ਸਕੂਲ ਮੁੱਖੀ ਗੌਰਵ ਭਟੇਜਾ ਅਤੇ ਇਕਾਈ ਮਲੋਟ ਦੇ ਪ੍ਰਧਾਨ ਅਨਿਲ ਜੁਨੇਜਾ ਜੋਨੀ ਨੇ ਮਾਨਯੋਗ ਓਬਰਾਏ ਸਾਬ੍ਹ ਦੇ ਨੇਕ ਕਾਰਜ ਲਈ ਵਿਸ਼ੇਸ਼ ਧੰਨਵਾਦ ਕੀਤਾ। ਇਸ ਮੌਕੇ ਜੈ ਮਾਂ ਅੰਗੂਰੀ ਦੇਵੀ ਸਮਾਜ ਸੇਵੀ ਸੰਸਥਾ ਦੇ ਸੋਹਣ ਲਾਲ ਗੂੰਬਰ, ਲੈਬ ਇੰਚਾਰਜ ਕਮਲ ਬਾਗਲਾ, ਸਾਹਿਲ ਕੈਂਥ, ਸਕੂਲ ਸਟਾਫ਼ ਸਵਰਨਾ ਰਾਣੀ, ਪਰਮਿੰਦਰ ਕੌਰ, ਅੰਜੂ ਬਾਲਾ ਤੋਂ ਇਲਾਵਾ ਲੈਬ ਟੈਕਨੀਸ਼ੀਅਨ ਦੁਰਗਾ ਰਾਣੀ ਅਤੇ ਜੋਬਨਪ੍ਰੀਤ ਹਾਜ਼ਿਰ ਸਨ। Author: Malout Live
