ਟੂਰ ਐਂਡ ਟਰੈਵਲ ਯੂਨੀਅਨ ਦੇ ਆਗੂ ਵੱਲੋਂ ਆਪਣੇ ਜਨਮ ਦਿਨ ਮੌਕੇ ਲਗਾਇਆ ਖੂਨਦਾਨ ਕੈਂਪ
ਮਲੋਟ (ਆਰਤੀ ਕਮਲ):- ਅਜੋਕੇ ਸਮੇਂ ਜਦ ਨੌਜਵਾਨ ਪੀੜੀ ਆਪਣਾ ਜਨਮ ਦਿਨ ਪਾਰਟੀਆਂ ਤੇ ਨੱਚਣ ਟੱਪਣ ਨਾਲ ਮਨਾਉਣਾ ਪਸੰਦ ਕਰਦੀ ਹੈ ਤਾਂ ਅਜਿਹੇ ਸਮੇਂ ਵੀ ਬਹੁਤ ਸੰਜੀਦਾ ਤੇ ਸਮਾਜਸੇਵੀ ਲੋਕ ਅਜਿਹੇ ਮੌਕਿਆਂ ਨੂੰ ਵੀ ਸਮਾਜ ਲਈ ਸਮਰਪਣ ਕਰਨਾ ਪਸੰਦ ਕਰਦੇ ਹਨ । ਮਲੋਟ ਵਿਖੇ ਟੂਰ ਐਂਡ ਟਰੈਵਲ ਯੂਨੀਅਨ ਦੇ ਆਗੂ ਗੌਰਵ ਵਾਟਸ ਵੱਲੋਂ ਆਪਣੇ ਜਨਮ ਦਿਨ ਮੌਕੇ ਆਪਣੇ ਸਾਥੀਆਂ ਦੀ ਮਦਦ ਨਾਲ ਖੂਨ ਦਾਨ ਕੈਂਪ ਲਾਇਆ ਗਿਆ ਅਤੇ ਇਸ ਮੌਕੇ ਪਰਿਵਾਰਕ ਰਿਸ਼ਤੇਦਾਰਾਂ ਨੇ ਵੀ ਖੂਨ ਦਾਨ ਕੀਤਾ। ਮਲੋਟ ਦੇ ਉਪ ਮੰਡਲ ਅਫਸਰ ਗੋਪਾਲ ਸਿੰਘ ਨੇ ਵੀ ਇਹਨਾਂ ਨੌਜਵਾਨਾਂ ਦੀ ਹੌਂਸਲਾ ਅਫਜਾਈ ਕਰਨ ਲਈ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕੀਤੀ । ਇਸ ਮੌਕੇ ਉਹਨਾਂ ਨਾਲ ਐਨਜੀਉ ਕੋਆਰਡੀਨੇਟਰ ਮਨੋਜ ਅਸੀਜਾ, ਕਾਂਗਰਸੀ ਆਗੂ ਮਨੀਸ਼ ਵਰਮਾ, ਜੀ.ਓ.ਜੀ ਇੰਚਾਰਜ ਹਰਪ੍ਰੀਤ ਸਿੰਘ, ਰਣਜੀਤ ਸਿੰਘ ਗਾਂਧੀ, ਰਕੇਸ਼ ਵਾਟਸ, ਰਾਜਨ ਖੁਰਾਣਾ ਆਦਿ ਵੀ ਹਾਜਰ ਸਨ । ਇਸ ਮੌਕੇ ਮਲੋਟ ਬੈਂਕ ਲਈ ਕਰੀਬ 25 ਯੂਨਿਟ ਖੂਨ ਇਕੱਤਰ ਹੋਇਆ ਅਤੇ ਸਮੂਹ ਖੂਨ ਦਾਨੀਆਂ ਨੂੰ ਸਰਟੀਫਿਕੇਟ ਅਤੇ ਰਿਫਰੈਸ਼ਮੈਂਟ ਦਿੱਤੀ ਗਈ ।
