ਮਲੋਟ ਸ਼ਹਿਰ ਦੇ ਪੰਜਾਬ ਪੈਲੇਸ ਦੇ ਸਾਹਮਣੇ ਝੂਲੇ ਲਗਾ ਕੇ ਪਾਰਕ ਨੂੰ ਦਿੱਤੀ ਨਵੀਂ ਲੁੱਕ

ਮਲੋਟ:- ਮਲੋਟ ਸ਼ਹਿਰ ਦੀ ਪੰਜਾਬ ਪੈਲੇਸ ਦੇ ਸਾਹਮਣੇ ਜੋ ਗੰਦਗੀ ਦੇ ਢੇਰ ਲੱਗੇ ਹੋਏ ਸਨ, ਉਸ ਜਗ੍ਹਾ ਦੀ ਸਾਫ-ਸਫ਼ਾਈ ਕਰਵਾ ਕੇ ਸੁੰਦਰ ਪਾਰਕ ਦਾ ਨਿਰਮਾਣ ਕਰ ਦਿੱਤਾ ਗਿਆ ਹੈ। ਉਸ ਜਗ੍ਹਾ ਵਾਤਾਵਰਨ ਨੂੰ ਸ਼ੁੱਧ ਰੱਖਣ ਲਈ ਪੌਦੇ, ਆਰਾਮ ਕਰਨ ਲਈ ਬੈਂਚ ਲਗਾਏ ਗਏ ਹਨ। ਐੱਮ.ਸੀ ਹਰਮੇਲ ਸਿੰਘ ਸੰਧੂ ਦੇ ਉਪਰਾਲੇ ਸਦਕਾ ਪਾਰਕ ਨੂੰ ਸੁੰਦਰ ਲੁੱਕ ਦਿੱਤੀ ਗਈ ਹੈ।

ਹੁਣ ਮੁਹੱਲਾ ਨਿਵਾਸੀਆਂ ਵੱਲੋਂ ਆਪਣੀ ਕਮਾਈ ਵਿੱਚੋਂ ਯੋਗਦਾਨ ਪਾ ਕੇ ਬੱਚਿਆਂ ਦੇ ਮੰਨੋਰੰਜਨ ਲਈ ਸੁੰਦਰ ਝੂਲੇ ਲਗਾਏ ਗਏ ਹਨ। ਜਾਣਕਾਰੀ ਦਿੰਦਿਆਂ ਐੱਮ.ਸੀ ਹਰਮੇਲ ਸਿੰਘ ਸੰਧੂ ਨੇ ਦੱਸਿਆ ਕਿ ਇਸ ਵਿੱਚ ਬਲਵਿੰਦਰ ਸਿੰਘ ਮੱਕੜ, ਜੱਜ ਠੇਕੇਦਾਰ, ਪਵਨ ਕੁਮਾਰ ਗੁਪਤਾ, ਬਲਕਾਰ ਸਿੰਘ ਜੇ.ਈ, ਮਹਿੰਦਰ ਸਿੰਘ, ਗੁਰਪਿਆਰ ਸਿੰਘ, ਪਰਮਜੀਤ ਸਿੰਘ, ਮਲਕੀਤ ਸਿੰਘ, ਭਾਗੀਰਥ, ਤਲਵਿੰਦਰ ਬਾਜਵਾ, ਜਨਕ ਰਾਜ, ਸੂਬਾ ਸਿੰਘ ਅਤੇ ਮੁਹੱਲਾ ਨਿਵਾਸੀਆਂ ਦਾ ਵਿਸ਼ੇਸ਼ ਸਹਿਯੋਗ ਰਿਹਾ।

Author: Malout Live