ਅਖਿਲ ਭਾਰਤੀ ਗਾਹਕ ਪੰਚਾਇਤ ਨੇ ਕੌਮੀ ਉਪਭੋਗਤਾ ਦਿਵਸ ਮਨਾਇਆ

Aug 29, 2024 - 10:24
ਮਲੋਟ:-ਅਖਿਲ ਭਾਰਤੀ ਹਕ ਪੰਚਾਇਤ ( ਰਜਿ:) ਮਲੋਟ ਦੁਆਰਾ ਕੌਮੀ ਉਪਭੋਗਤਾ ਦਿਵਸ ਮਨਾਇਆ ਗਿਆ। ਸਮਾਗਮ ਵਿਚ ਗ੍ਰਾਹਕਾਂ ਨੂੰ ਆ ਰਹੀਆਂ ਸਮੱਸਿਆਵਾਂ ਦੇ ਹੱਲ ਲਈ ਉਨ੍ਹਾਂ ਨੂੰ ਜਾਗਰੂਕ ਕੀਤਾ ਗਿਆ । ਸਮਾਗਮ ' ਚ ਮੁੱਖ ਮਹਿਮਾਨ ਵਜੋਂ ਭਾਰਤ ਵਿਕਾਸ ਪਰਿਸ਼ਦ ਪੰਜਾਬ ਸਾਊਥ ਦੇ ਸਲਾਹਕਾਰ ਰਾਜ ਵਾਟਸ ਨੇ ਸ਼ਿਰਕਤ ਕੀਤੀ ਅਤੇ ਸੰਸਥਾ ਦੇ ਜ਼ਿਲ੍ਹਾ ਪ੍ਰਧਾਨ ਰਜਿੰਦਰ ਪ੍ਰਸ਼ਾਦ ਬਾਂਸਲ , ਜ਼ਿਲ੍ਹਾ ਜੁਆਇੰਟ ਸਕੱਤਰ ਕਾਮਰੇਡ ਰਾਮ ਕ੍ਰਿਸ਼ਨ ਤੇ ਰਿੰਕੂ ਅਨੇਜਾ ਨੇ ਸਮਾਗਮ ਦੀ ਸ਼ੁਰੂਆਤ ਮੁੱਖ ਮਹਿਮਾਨ ਦੇ ਨਾਲ ਸ਼ਮਾ ਰੌਸ਼ਨ ਕਰਕੇ ਕੀਤੀ । ਇਸ ਮੌਕੇ ਜ਼ਿਲ੍ਹਾ ਪ੍ਰਧਾਨ ਰਜਿੰਦਰ ਪ੍ਰਸ਼ਾਦ ਬਾਂਸਲ , ਜ਼ਿਲ੍ਹਾ ਜੁਆਇੰਟ ਸਕੱਤਰ ਕਾ . ਰਾਮ ਕ੍ਰਿਸ਼ਨ , ਜਨਰਲ ਸਕੱਤਰ ਰਾਕੇਸ਼ ਜੈਨ ਨੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਅਖਿਲ ਭਾਰਤੀ ਗਾਹਕ ਪੰਚਾਇਤ ( ਰਜਿ:) ਦੀਆਂ ਸਾਰੇ ਭਾਰਤ ਵਿਚ ਬਰਾਂਚਾਂ ਹਨ ਅਤੇ ਮਲੋਟ ਵਿਖੇ ਵੀ ਉਪਭੋਗਤਾਵਾਂ ਨੂੰ ਉਨ੍ਹਾਂ ਦੇ ਹੱਕਾਂ ਬਾਰੇ ਜਾਗਰੂਕ ਕਰਨ ਲਈ ਸੰਸਥਾ ਦਾ ਗਠਨ ਕੀਤਾ ਗਿਆ ਹੈ । ਇਸ ਮੌਕੇ ਐਡਵੋਕੇਟ ਸੁਰਿੰਦਰ ਸੇਤੀਆ ਨੇ ਉਪਭੋਗਤਾਵਾਂ ਨੂੰ ਆ ਰਹੀਆਂ ਮੁਸ਼ਕਿਲਾਂ ਦੇ ਹੱਲ ਸਬੰਧੀ ਆਪਣੇ ਵਿਚਾਰ ਪੇਸ਼ ਕੀਤੇ ਤੇ ਆਪਣੇ ਹੱਕਾਂ ਪ੍ਰਤੀ ਜਾਗਰੂਕ ਹੋਣ ਲਈ ਪ੍ਰੇਰਿਤ ਕੀਤਾ। ਅੰਤ ਵਿਚ ਸਟੇਟ ਵਾਇਸ ਪ੍ਰਧਾਨ ਸ਼ਗਨ ਲਾਲ ਗੋਇਲ ਨੇ ਸਮੂਹ ਪਤਵੰਤਿਆਂ ਦਾ ਸਮਾਗਮ ਵਿਚ ਪਹੁੰਚਣ ' ਤੇ ਧੰਨਵਾਦ ਕੀਤਾ। ਇਸ ਮੌਕੇ ਦੀਪ ਬੱਬਰ , ਸੋਹਣ ਲਾਲ ਗੁੰਬਰ , ਮਾਸਟਰ ਗੁਰਚਰਨ ਸਿੰਘ , ਮਾਸਟਰ ਦਰਸ਼ਨ ਲਾਲ ਕਾਂਸਲ , ਕਰਨੈਲ ਸਿੰਘ , ਮਹਿੰਦਰਪ੍ਰੀਤ ਸਿੰਘ , ਜੀਤ ਸਿੰਘ ਹੰਸ , ਗੁਲਸ਼ਨ ਅਰੋੜਾ , ਡਾ : ਰਮੇਸ਼ ਕੁਮਾਰ , ਰਿੰਕੂ ਗੁਗਲਾਨੀ , ਰਜਿੰਦਰ ਪਪਨੇਜਾ , ਜੋਨੀ ਸੋਨੀ , ਚਰਨਜੀਤ ਖੁਰਾਣਾ , ਸੁਸ਼ੀਲ ਵਧਵਾ ਤੇ ਹੋਰ ਮੌਜੂਦ।