ਡਾ. ਆਰ.ਕੇ.ਉੱਪਲ ਨੂੰ 'ਸਿੱਖਿਆ ਅਤੇ ਰਿਸਰਚ ਦੀ ਜਾਗਰੂਕਤਾ ਲਈ ਇੰਟਰਨੈਸ਼ਨਲ ਫ੍ਰੀਲਾਂਸ ਅੰਬੈਸਡਰ ਵਜੋਂ ਕੀਤਾ ਨਿਯੁਕਤ

ਮਲੋਟ (ਸ਼੍ਰੀ ਮੁਕਤਸਰ ਸਾਹਿਬ) : ਇੱਕ ਮਹੱਤਵਪੂਰਨ ਮੌਕੇ ਤੇ ਡਾ. ਆਰ.ਕੇ.ਉੱਪਲ, ਪ੍ਰਸਿੱਧ ਸਿੱਖਿਆਵਿਦ, ਖੋਜਕਰਤਾ ਅਤੇ ਗੁਰੂ ਗੋਬਿੰਦ ਸਿੰਘ ਕਾਲਜ ਆਫ ਮੈਨੇਜਮੈਂਟ ਐਂਡ ਟੈਕਨੋਲੋਜੀ, ਗਿੱਦੜਬਾਹਾ ਦੇ ਪ੍ਰਿੰਸੀਪਲ ਨੂੰ 'ਸਿੱਖਿਆ ਅਤੇ ਰਿਸਰਚ ਦੀ ਜਾਗਰੂਕਤਾ ਲਈ ਇੰਟਰਨੈਸ਼ਨਲ ਫ੍ਰੀਲਾਂਸ ਅੰਬੈਸਡਰ' ਵਜੋਂ ਨਿਯੁਕਤ ਕੀਤਾ ਗਿਆ ਹੈ। ਇਹ ਮਾਣਯੋਗ ਸਨਮਾਨ ਉਨ੍ਹਾਂ ਨੂੰ ਚਿਨਮਯਾ ਫਾਊਂਡੇਸ਼ਨ ਵੱਲੋਂ ਪ੍ਰਦਾਨ ਕੀਤਾ ਗਿਆ, ਜੋ ਸ਼ਾਂਤੀ, ਸਾਂਝ ਅਤੇ ਮਨੁੱਖਤਾ ਦੀ ਭਲਾਈ ਲਈ ਵਿਸ਼ਵ ਪੱਧਰ 'ਤੇ ਕੰਮ ਕਰ ਰਹੀ ਇੱਕ ਮਾਣਯੋਗ ਸੰਸਥਾ ਹੈ। ਇਹ ਨਿਯੁਕਤੀ ਸੰਸਥਾ ਦੇ ਫਾਊਂਡਰ ਅਤੇ ਇੰਟਰਨੈਸ਼ਨਲ ਚੇਅਰਮੈਨ ਡਾ. ਚਿਨਮਯਾ ਦਾਸ ਵੱਲੋਂ ਅਧਿਕਾਰਕ ਤੌਰ 'ਤੇ ਕੀਤੀ ਗਈ। ਚਿਨਮਯਾ ਫਾਊਂਡੇਸ਼ਨ, ਜੋ ਮਨੁੱਖੀ ਵਿਕਾਸ ਲਈ ਸਮਰਪਿਤ ਹੈ, ਸਰਹੱਦਾਂ ਤੋਂ ਪਰੇ ਸ਼ਾਂਤੀ, ਸੱਭਿਆਚਾਰਕ ਸਾਂਝ, ਸਿੱਖਿਆ ਅਤੇ ਮਨੁੱਖੀ ਸੇਵਾ ਨੂੰ ਉਤਸ਼ਾਹਿਤ ਕਰਨ ਲਈ ਲਗਾਤਾਰ ਯਤਨਸ਼ੀਲ ਹੈ। ਆਪਣੇ ਅੰਤਰਰਾਸ਼ਟਰੀ ਉਪਰਾਲਿਆਂ ਰਾਹੀਂ ਇਹ ਸੰਸਥਾ ਲੋਕਾਂ ਵਿੱਚ ਜਾਗਰੂਕਤਾ ਪੈਦਾ ਕਰਕੇ ਤੇ ਰਚਨਾਤਮਕ ਕਾਰਜਾਂ ਰਾਹੀਂ ਕਈ ਸਮਾਜਾਂ ਨੂੰ ਬਦਲਣ ਵਿੱਚ ਯੋਗਦਾਨ ਪਾ ਰਹੀ ਹੈ। ਇਸ ਮਾਣਯੋਗ ਭੂਮਿਕਾ ਨੂੰ ਸਵੀਕਾਰਦੇ ਹੋਏ ਡਾ. ਉੱਪਲ ਨੇ ਕਿਹਾ ਕਿ ਉਹ ਸਿੱਖਿਆ ਅਤੇ ਰਿਸਰਚ ਨੂੰ ਸਮਾਜਿਕ ਬਦਲਾਅ ਦੇ ਸਾਧਨ ਵਜੋਂ ਵਰਤਣ ਲਈ ਸਮਰਪਿਤ ਹਨ। ਉਨ੍ਹਾਂ ਨੇ ਖ਼ਾਸ ਤੌਰ 'ਤੇ ਭਾਰਤ ਦੇ ਪੇਂਡੂ ਅਤੇ ਪਿਛੜੇ ਵਰਗਾਂ ਦੀ ਉੱਤਥਾਨ ਲਈ ਵਚਨਬੱਧਤਾ ਜਤਾਈ, ਜਿੱਥੇ ਗੁਣਵੱਤਾ ਵਾਲੀ ਸਿੱਖਿਆ ਦੀ ਪਹੁੰਚ ਅਜੇ ਵੀ ਘੱਟ ਹੈ। ਉਹਨਾਂ ਕਿਹਾ ਕਿ 'ਸਿੱਖਿਆ ਸਿਰਫ ਸਿੱਖਣ ਦਾ ਸਾਧਨ ਨਹੀਂ, ਸਗੋਂ ਗਰੀਬੀ ਦੂਰ ਕਰਨ, ਅਗਿਆਨਤਾ ਮਿਟਾਉਣ ਅਤੇ ਸ਼ਾਂਤੀ ਤੇ ਖੁਸ਼ਹਾਲੀ ਲਿਆਉਣ ਦੀ ਤਾਕਤ ਹੈ।

ਇੱਕ ਅੰਬੈਸਡਰ ਵਜੋਂ ਮੇਰਾ ਮਿਸ਼ਨ ਪੇਂਡੂ ਅਤੇ ਗਰੀਬ ਲੋਕਾਂ ਨੂੰ ਗਿਆਨ, ਜਾਗਰੂਕਤਾ ਅਤੇ ਰਿਸਰਚ ਰਾਹੀਂ ਇਕੱਠੇ ਕਰਨਾ ਹੈ। ਆਪਣੇ ਕਾਰਜਕਾਲ ਦੌਰਾਨ ਉਹ ਸੈਮੀਨਾਰਾਂ, ਵਰਕਸ਼ਾਪਾਂ, ਖੋਜ ਪ੍ਰੋਜੈਕਟਾਂ ਅਤੇ ਕਮਿਊਨਿਟੀ ਪ੍ਰੋਗਰਾਮਾਂ ਦੀ ਸ਼ੁਰੂਆਤ ਕਰਨਗੇ, ਤਾਂ ਜੋ ਸਿੱਖਿਆ ਦੀ ਮਹੱਤਤਾ ਬਾਰੇ ਜਾਗਰੂਕਤਾ ਫੈਲਾਈ ਜਾ ਸਕੇ। ਖਾਸ ਧਿਆਨ ਪੇਂਡੂ ਖੇਤਰਾਂ ਵਿੱਚ ਮੁਫ਼ਤ ਸਿੱਖਿਆ ਪ੍ਰਦਾਨ ਕਰਨ 'ਤੇ ਦਿੱਤਾ ਜਾਵੇਗਾ, ਤਾਂ ਜੋ ਸਭ ਤੋਂ ਪਿੱਛੜੇ ਵਰਗ ਵੀ ਗਿਆਨ ਅਤੇ ਹੁਨਰ ਵਿਕਾਸ ਦੇ ਮੌਕਿਆਂ ਨਾਲ ਜੁੜ ਸਕਣ। ਉਨ੍ਹਾਂ ਨੇ ਹੋਰ ਵੀ ਜੋੜਿਆ ਕਿ ਜਦੋਂ ਸਿੱਖਿਆ ਨੂੰ ਸ਼ਾਂਤੀ ਅਤੇ ਸਾਂਝ ਦੇ ਮੁੱਲਾਂ ਨਾਲ ਜੋੜਿਆ ਜਾਂਦਾ ਹੈ, ਤਾਂ ਇਹ ਇਕ ਨਿਆਂਯੋਗ ਅਤੇ ਸਮਾਵੇਸ਼ੀ ਸਮਾਜ ਦੀ ਮਜ਼ਬੂਤ ਨੀਂਹ ਪਾ ਸਕਦੀ ਹੈ। ਧੰਨਵਾਦ ਪ੍ਰਗਟਾਉਂਦੇ ਹੋਏ ਉਨ੍ਹਾਂ ਨੇ ਕਿਹਾ: ਮੈਂ ਡਾ. ਚਿਨਮਯਾ ਦਾਸ ਜੀ ਅਤੇ ਚਿਨਮਯਾ ਫਾਊਂਡੇਸ਼ਨ ਦਾ ਤਹਿ ਦਿਲੋਂ ਆਭਾਰੀ ਹਾਂ ਕਿ ਉਨ੍ਹਾਂ ਨੇ ਮੈਨੂੰ ਇਹ ਮਾਣਯੋਗ ਜ਼ਿੰਮੇਵਾਰੀ ਸੌਂਪੀ। ਅਸੀਂ ਮਿਲਕੇ ਇੱਕ ਅਜਿਹਾ ਸਮਾਜ ਬਣਾਉਣ ਦੀ ਕੋਸ਼ਿਸ ਕਰਾਂਗੇ ਜਿੱਥੇ ਸਿੱਖਿਆ ਸ਼ਾਂਤੀ, ਇਕਤਾ ਅਤੇ ਖੁਸ਼ਹਾਲੀ ਦੀ ਪੁਲ ਬਣੇ। ਡਾ. ਉੱਪਲ ਜੋ ਕਿ ਬੈਂਕਿੰਗ, ਫ਼ਾਇਨੈਂਸ, ਸਿੱਖਿਆ ਅਤੇ ਪੌਂਡ ਉਤਥਾਨ ਵਿੱਚ ਦਹਾਕਿਆਂ ਤੋਂ ਯੋਗਦਾਨ ਪਾ ਰਹੇ ਹਨ, ਨੇ ਹੁਣ ਤੱਕ 75 ਤੋਂ ਵੱਧ ਕਿਤਾਬਾਂ ਅਤੇ 300 ਤੋਂ ਵੱਧ ਖੋਜ ਪੇਪਰ ਲਿਖੇ ਹਨ। ਉਹ ਕਈ ਰਾਸ਼ਟਰੀ ਤੇ ਅੰਤਰਰਾਸ਼ਟਰੀ ਇਨਾਮਾਂ ਨਾਲ ਸਨਮਾਨਿਤ ਹੋਏ ਹਨ ਅਤੇ ਕਈ ਯੂ.ਜੀ.ਸੀ. ਆਈ.ਸੀ.ਐੱਸ.ਐਸ.ਆਰ ਅਤੇ ਐਚ.ਆਰ.ਡੀ ਮੰਤਰਾਲੇ ਦੁਆਰਾ ਫੰਡ ਕੀਤੇ ਪ੍ਰੋਜੈਕਟਾਂ ਦੀ ਅਗਵਾਈ ਕਰ ਚੁੱਕੇ ਹਨ। ਉਨ੍ਹਾਂ ਦੀ ਇੰਟਰਨੈਸ਼ਨਲ ਫ੍ਰੀਲਾਂਸ ਅੰਬੈਸਡਰ ਵਜੋਂ ਨਿਯੁਕਤੀ, ਉਨ੍ਹਾਂ ਦੇ ਸ਼ਾਨਦਾਰ ਕਰੀਅਰ ਵਿੱਚ ਇੱਕ ਹੋਰ ਮਹੱਤਵਪੂਰਨ ਮੋੜ ਹੈ ਜੋ ਸਿੱਖਿਆ ਰਾਹੀਂ ਸਮਾਜਿਕ ਬਦਲਾਅ ਲਈ ਉਨ੍ਹਾਂ ਦੀ ਦ੍ਰਿੜ ਦ੍ਰਿਸ਼ਟੀ ਨੂੰ ਦਰਸਾਉਂਦਾ ਹੈ।

Author : Malout Live