ਸਰਕਾਰੀ ਆਈ.ਟੀ.ਆਈ ਖਿਓਵਾਲੀ ਵਿੱਚ ਇੰਸਟਰਕਟਰਾਂ ਦੀਆਂ ਆਸਾਮੀਆਂ ਲਈ ਅਰਜ਼ੀਆਂ ਦੀ ਮੰਗ

ਮਲੋਟ (ਸ਼੍ਰੀ ਮੁਕਤਸਰ ਸਾਹਿਬ) : ਚੇਅਰਮੈਨ ਆਈ.ਐਮ.ਸੀ ਕਮੇਟੀ, ਸਰਕਾਰੀ ਆਈ.ਟੀ.ਆਈ ਖਿਓਵਾਲੀ ਵੱਲੋਂ ਅਕਾਦਮਿਕ ਸੈਸ਼ਨ 2025-26 ਹਿੱਤ ਬੱਝਵੀਂ ਤਨਖਾਹ 15000/- ਪ੍ਰਤੀ ਮਹੀਨਾ ‘ਤੇ ਗੈਸਟ ਫੈਕਲਟੀ (ਠੇਕਾ ਅਧਾਰ ‘ਤੇ ਬਿਲਕੁਲ ਆਰਜ਼ੀ/ਗੈਸਟ ਫੈਕਲਟੀ) ਤੌਰ ‘ਤੇ (ਟਰੇਡ ਇਲੈਕਟ੍ਰੋਨਿਕਸ, ਕੰਜਿਊਮਰ ਇਲੈਕਟੋਨਿਕਸ) ਇੰਸਟਰਕਟਰਾਂ ਦੀਆਂ ਅਸਾਮੀਆਂ ਦੀ ਭਰਤੀ ਸੰਬੰਧੀ ਅਰਜ਼ੀਆਂ ਦੀ ਮਿਤੀ 25-08-2025 ਤੱਕ ਮੰਗ ਕੀਤੀ ਗਈ ਹੈ। ਮੈਂਬਰ ਸੈਕਟਰੀ (ਆਈ.ਐਮ.ਸੀ)/ਪ੍ਰਿੰਸੀਪਲ ਸਰਕਾਰੀ ਆਈ.ਟੀ.ਆਈ ਖਿਓਵਾਲੀ ਨੇ ਦੱਸਿਆ ਕਿ ਇਨ੍ਹਾਂ ਅਸਾਮੀਆਂ ਦਾ ਪੱਕੀ ਨੌਕਰੀ ਨਾਲ ਕੋਈ ਸੰਬੰਧ ਨਹੀਂ ਹੈ। ਉਨ੍ਹਾਂ ਦੱਸਿਆ ਕਿ ਯੋਗਤਾਵਾਂ ਅਤੇ ਤਜਰਬੇ ਲਈ ਵੈੱਬਸਾਈਟ http://dgt.gov.in./cts ‘ਤੇ ਚੈੱਕ ਕੀਤਾ ਜਾਵੇ।

ਉਨ੍ਹਾਂ ਦੱਸਿਆ ਕਿ ਉਮੀਦਵਾਰ ਆਪਣੇ ਬਿਨੈ-ਪੱਤਰ ਸਮੇਤ ਯੋਗਤਾ ਅਤੇ ਤਜਰਬੇ, ਜੋ ਸ਼ਰਤਾਂ ਪੂਰੀਆਂ ਕਰਦੇ ਹੋਣ, ਮਿਤੀ 25-08-2025 ਸਮਾਂ ਸ਼ਾਮ 05:00 ਵਜੇ ਤੱਕ ਈ-ਮੇਲ itikheowaliw@punjab.gov.in / itikheowali@yahoo.com ਜਾਂ ਦਫਤਰ ਸਰਕਾਰੀ ਆਈ.ਟੀ.ਆਈ ਖਿਓਵਾਲੀ ਵਿਖੇ ਆਪਣੀ ਯੋਗਤਾ ਦੇ ਸਰਟੀਫਿਕੇਟ ਦੀਆਂ ਤਸਦੀਕਸ਼ੁਦਾ ਕਾਪੀਆਂ ਜਮ੍ਹਾਂ ਕਰਵਾ ਸਕਦੇ ਹਨ। ਉਨ੍ਹਾਂ ਅੱਗੇ ਦੱਸਿਆ ਕਿ ਪ੍ਰਾਪਤ ਹੋਈਆਂ ਪ੍ਰਤੀ ਬੇਨਤੀਆਂ ਦੀ ਇੰਟਰਵਿਊ ਮਿਤੀ 02-09-2025 ਨੂੰ ਹੋਵੇਗੀ ਅਤੇ ਇੰਟਰਵਿਊ ਸਮੇਂ ਅਸਲ ਸਰਟੀਫਿਕੇਟ ਨਾਲ ਲੈ ਕੇ ਆਉਣੇ ਹਨ। ਉਨ੍ਹਾਂ ਦੱਸਿਆ ਕਿ ਅਸਾਮੀਆਂ ਦੀ ਗਿਣਤੀ ਵਿਚ ਵਾਧਾ/ਘਾਟਾ ਕੀਤਾ ਜਾ ਸਕਦਾ ਹੈ।

Author : Malout Live