ਯੰਗ ਸਪੋਰਟਸ ਐਂਡ ਵੈੱਲਫੇਅਰ ਕਲੱਬ ਪਿੰਡ ਕਰਮਗੜ੍ਹ ਨੇ ਕਰਵਾਇਆ ਪਹਿਲਾ ਕਾਸਕੋ ਕ੍ਰਿਕੇਟ ਟੂਰਨਾਮੈਂਟ

ਮਲੋਟ: ਨੌਜਵਨਾਂ ਨੂੰ ਨਸ਼ਿਆਂ ਤੋਂ ਦੂਰ ਰੱਖਣ ਅਤੇ ਖੇਡਾਂ ਵੱਲ ਪ੍ਰੇਰਿਤ ਕਰਨ ਦੇ ਮਕਸੱਦ ਨਾਲ ਯੰਗ ਸਪੋਰਟਸ ਐਂਡ ਵੈੱਲਫੇਅਰ ਕਲੱਬ ਪਿੰਡ ਕਰਮਗੜ੍ਹ ਵੱਲੋਂ ਸਮੂਹ ਨਗਰ ਦੇ ਸਹਿਯੋਗ ਨਾਲ ਪਹਿਲਾ ਕਾਸਕੋ ਕ੍ਰਿਕੇਟ ਟੂਰਨਾਮੈਂਟ ਕਰਵਾਇਆ ਗਿਆ। ਇਸ ਟੂਰਨਾਮੈਂਟ ਵਿੱਚ ਪਿੰਡ ਸਰਾਵਾਂ ਬੋਦਲਾਂ ਦੀ ਟੀਮ ਜੇਤੂ ਰਹੀ ਅਤੇ ਦੂਸਰੇ ਸਥਾਨ ‘ਤੇ ਪਿੰਡ ਫ਼ਕਰਸਰ ਦੀ ਟੀਮ ਰਹੀ।

ਇਸ ਦੌਰਾਨ ਪਹਿਲਾ ਇਨਾਮ ਨਗਦ 3500 ਰੁਪਏ ਅਤੇ ਦੂਸਰਾ ਇਨਾਮ ਨਗਦ 2500 ਰੁਪਏ ਦਿੱਤਾ ਗਿਆ। ਇਸ ਟੂਰਨਾਮੈਂਟ ਨੂੰ ਸਫ਼ਲ ਬਣਾਉਣ ਲਈ ਮੈਚ ਅੰਪਾਇਰ ਸੁਰਖ਼ਾਬ ਗਿੱਲ, ਕਲੱਬ ਪ੍ਰਧਾਨ ਗੁਰਪ੍ਰੀਤ ਸਿੰਘ ਗਿੱਲ, ਮੀਤ ਪ੍ਰਧਾਨ ਅਰਜੁਨ ਸਿੰਘ, ਜਨਰਲ ਸਕੱਤਰ ਧਨਪਤ, ਵਿੱਤ ਸਕੱਤਰ ਅਨਿਲ ਚੌਧਰੀ, ਅੰਗਰੇਜ਼ ਸਿੰਘ, ਅਸ਼ੋਕ ਕੁਮਾਰ ਅਤੇ ਹੋਰਨਾਂ ਕਲੱਬ ਮੈਂਬਰਾਂ ਨੇ ਭਰਵਾਂ ਸਹਿਯੋਗ ਦਿੱਤਾ।

Author: Malout Live