ਥਾਣਾ ਲੰਬੀ ਪੁਲਿਸ ਨੇ 2 ਕਿਲੋ 600 ਗ੍ਰਾਮ ਅਫ਼ੀਮ ਸਮੇਤ ਨੌਜਵਾਨ ਨੂੰ ਕੀਤਾ ਕਾਬੂ

ਮਲੋਟ(ਲੰਬੀ):- ਥਾਣਾ ਲੰਬੀ ਪੁਲਿਸ ਨੇ ਨਸ਼ਾ ਵਿਰੋਧੀ ਮੁਹਿੰਮ ਤਹਿਤ ਬੀਤੇ ਦਿਨੀਂ ਗਸ਼ਤ ਦੌਰਾਨ ਵੜਿੰਗ ਖੇੜਾ ਤੋਂ ਰੇਲਵੇ ਸਟੇਸ਼ਨ ਵੜਿੰਗ ਖੇੜਾ ਰੋਡ ‘ਤੇ ਨੌਜਵਾਨ ਧਰਮਿੰਦਰ ਸਿੰਘ ਪੁੱਤਰ ਸੁਮੇਰ ਸਿੰਘ ਪੁੱਤਰ ਗੋਵਰਧਨ ਸਿੰਘ ਵਾਸੀ ਬਰ ਖੇੜਾ ਜੈ ਸਿੰਘ ਤਹਿਸੀਲ ਮੁਲਹਾਰਗੜ, ਜ਼ਿਲ੍ਹਾ ਮੰਦਸੌਰ, ਮੱਧ ਪ੍ਰਦੇਸ਼ ਦੀ ਸ਼ੱਕ ਦੇ ਆਧਾਰ ‘ਤੇ ਤਲਾਸ਼ੀ ਕੀਤੀ ਤਾਂ

ਉਸ ਕੋਲ ਪਲਾਸਟਿਕ ਦੇ ਝੋਲੇ ਵਿੱਚੋਂ ਇੱਕ ਮੋਮੀ ਲਿਫਾਫੇ ਵਿੱਚੋਂ 2 ਕਿਲੋ 600 ਗ੍ਰਾਮ ਅਫ਼ੀਮ ਬਰਾਮਦ ਹੋਈ। ਜਿਸ ‘ਤੇ ਮੁਕੱਦਮਾ ਨੰਬਰ 108 ਅ/ਧ 18C/61/85 ਥਾਣਾ ਲੰਬੀ ਬਰ-ਖਿਲਾਫ਼ ਧਰਮਿੰਦਰ ਸਿੰਘ ਉਕਤ ਦਰਜ ਰਜਿਸਟਰ ਕੀਤਾ ਗਿਆ। ਦੋਸ਼ੀ ਪਾਸੋਂ ਬਰਾਮਦ ਹੋਈ ਅਫ਼ੀਮ ਬਾਰੇ ਪੁੱਛ-ਗਿੱਛ ਜਾਰੀ ਹੈ। ਪੁੱਛ-ਗਿੱਛ ਦੌਰਾਨ ਜੇਕਰ ਕੋਈ ਹੋਰ ਦੋਸ਼ੀ ਨਾਮਜਦ ਹੁੰਦਾ ਹੈ ਤਾਂ ਕਾਨੂੰਨ ਅਨੁਸਾਰ ਕਾਰਵਾਈ ਅਮਲ ਵਿੱਚ ਲਿਆਂਦੀ ਜਾਵੇਗੀ।

Author : Malout Live