ਪ੍ਰਿੰਸੀਪਲ ਗੁਲਸ਼ਨ ਅਰੋੜਾ ਪ੍ਰਾਈਵੇਟ ਸਕੂਲ ਐਸੋਸੀਏਸ਼ਨ ਬਲਾਕ ਮਲੋਟ ਦੇ ਪ੍ਰਧਾਨ ਨਿਯੁਕਤ
ਮਲੋਟ: ਪ੍ਰਾਈਵੇਟ ਸਕੂਲ ਐਸੋਸੀਏਸ਼ਨ ਜ਼ਿਲ੍ਹਾ ਸ਼੍ਰੀ ਮੁਕਤਸਰ ਸਾਹਿਬ ਵੱਲੋਂ ‘ਮਲੋਟ ਬਲਾਕ’ ਦੇ ਸਾਰੇ ਸਕੂਲਾਂ ਦੀ ਇੱਕ ਅਹਿਮ ਮੀਟਿੰਗ ਚੰਦਰ ਮਾਡਲ ਸਕੂਲ ਮਲੋਟ ਵਿਖੇ ਰੱਖੀ ਗਈ, ਇਸ ਮੀਟਿੰਗ ਵਿੱਚ ਮਲੋਟ ਬਲਾਕ ਦੇ ਸਾਰੇ ਸਕੂਲ ਮੁੱਖੀ ਸ਼ਾਮਿਲ ਹੋਏ। ਇਸ ਮੀਟਿੰਗ ਵਿੱਚ ਹਾਜ਼ਿਰ ਸਾਰੇ ਸਕੂਲ ਮੁੱਖੀਆਂ ਨੇ ਸਰਬਸੰਮਤੀ ਨਾਲ ਪ੍ਰਿੰਸ ਮਾਡਲ ਸਕੂਲ ਮਲੋਟ ਦੇ ਪ੍ਰਿੰਸੀਪਲ ਸ਼੍ਰੀ ਗੁਲਸ਼ਨ ਅਰੋੜਾ ਨੂੰ ਮਲੋਟ ਬਲਾਕ ਦਾ ਪ੍ਰਧਾਨ ਬਣਾਇਆ ਗਿਆ। ਸਾਰੇ ਸਕੂਲ ਮੁੱਖੀਆਂ ਨੇ ਉਹਨਾਂ ਦਾ ਹਾਰ ਪਾ ਕੇ ਸਨਮਾਨ ਕੀਤਾ ਅਤੇ ਵਧਾਈ ਦਿੱਤੀ।
ਇਸ ਦੌਰਾਨ ਨਵੇਂ ਬਣੇ ਪ੍ਰਧਾਨ ਗੁਲਸ਼ਨ ਅਰੋੜਾ ਨੇ ਸਾਰੇ ਸਕੂਲ ਮੁੱਖੀਆਂ ਦਾ ਧੰਨਵਾਦ ਕੀਤਾ ਅਤੇ ਪੂਰਾ ਵਿਸ਼ਵਾਸ਼ ਦਿਵਾਇਆ ਕਿ ਉਹ ਸਾਰਿਆਂ ਨਾਲ ਤਾਲਮੇਲ ਕਰਕੇ ਸਕੂਲਾਂ ਦੀਆਂ ਸਮੱਸਿਆਵਾਂ ਨੂੰ ਹੱਲ ਕਰਨ ਲਈ ਪੂਰਾ ਸਹਿਯੋਗ ਦੇਣਗੇ ਅਤੇ ਸਾਰਿਆਂ ਨਾਲ ਰਲ-ਮਿਲ ਕੇ ਕੰਮ ਕਰਨਗੇ। ਇਸ ਮੌਕੇ ਐਸੋਸੀਏਸ਼ਨ ਦੇ ਸਰਪ੍ਰਸਤ ਸ਼੍ਰੀ ਹਰੀਸ਼ ਗਰੋਵਰ, ਜ਼ਿਲ੍ਹਾ ਪ੍ਰਧਾਨ ਸ਼੍ਰੀ ਵਿੱਕੀ ਨਰੂਲਾ, ਸਾਬਕਾ ਪ੍ਰਧਾਨ ਸ਼੍ਰੀ ਧਰਮ ਪਾਲ ਗੂੰਬਰ, ਰਛਪਾਲ ਸਿੰਘ, ਚੰਦਰ ਮੋਹਨ, ਜੋਗਾ ਸਿੰਘ, ਸੱਤਪਾਲ, ਹਨੀ ਕਥੂਰੀਆ, ਸੰਦੀਪ ਗੋਇਲ, ਰਾਜਾ ਸਿੰਘ ਸਾਉਂਕੇ, ਰਜਿੰਦਰ ਨਾਗਪਾਲ, ਅਸ਼ੋਕ ਸੁਖੀਜਾ ਅਤੇ ਬਲਾਕ ਮਲੋਟ ਦੇ ਸਾਰੇ ਸਕੂਲ ਮੁੱਖੀ ਹਾਜ਼ਿਰ ਹੋਏ।
Author: Malout Live
