ਸ.ਸ.ਸ.ਸਕੂਲ ਬੁਰਜ ਸਿੱਧਵਾਂ ਸਕੂਲ ਵਿਖੇ ਕਰਵਾਏ ਗਏ ਮਹਿੰਦੀ ਮੁਕਾਬਲੇ

ਮਲੋਟ: ਬੀਤੇ ਦਿਨੀਂ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਬੁਰਜ ਸਿੱਧਵਾਂ ਵਿਖੇ ਪ੍ਰਿੰਸੀਪਲ ਸ਼੍ਰੀ ਸੰਤ ਰਾਮ ਦੀ ਯੋਗ ਅਗਵਾਈ ਹੇਠ ਬਿਊਟੀ ਐਂਡ ਵੈੱਲਨੈੱਸ ਟਰੇਡ ਦੀਆਂ ਵਿਦਿਆਰਥਣਾਂ ਦੇ ਮਹਿੰਦੀ ਮੁਕਾਬਲੇ ਸਕੂਲ ਅਧਿਆਪਕਾ ਸ਼੍ਰੀਮਤੀ ਸੁਮਨ ਲਤਾ ਦੀ ਦੇਖ-ਰੇਖ ਵਿੱਚ ਕਰਵਾਏ ਗਏ। ਸੀਨੀਅਰ ਵਿੰਗ ਦੇ ਮਹਿੰਦੀ ਮੁਕਾਬਲੇ ਦੀ ਜੱਜਮੈਂਟ ਲੈੱਕਚਰਾਰ ਮੈਡਮ ਹਰਪ੍ਰੀਤ ਕੌਰ ਅਤੇ ਸ਼੍ਰੀਮਤੀ ਹੇਮਲਤਾ ਕੁਸ਼ਵਾਹਾ ਵੱਲੋਂ ਕੀਤੀ ਗਈ। ਇਸ ਮੁਕਾਬਲੇ ਵਿੱਚ ਗਿਆਰ੍ਹਵੀਂ ਜਮਾਤ ਦੀ ਮੀਰਾ ਬਾਈ

ਪਹਿਲੇ ਨੰਬਰ ਅਤੇ ਗਿਆਰ੍ਹਵੀਂ ਜਮਾਤ ਦੀ ਮਲਕਾ ਬਾਈ ਦੂਜੇ ਨੰਬਰ ਅਤੇ ਬਾਰ੍ਹਵੀਂ ਜਮਾਤ ਦੀ ਨਵਨੂਰ ਕੌਰ ਤੀਸਰੇ ਨੰਬਰ ਤੇ ਰਹੀ। ਇਸੇ ਤਰਾਂ ਜੂਨੀਅਰ ਵਿੰਗ ਦੇ ਮੁਕਾਬਲੇ ਦੀ ਜੱਜਮੈਂਟ ਮੈਡਮ ਸ਼੍ਰੀਮਤੀ ਗੁਰਮੀਤ ਕੌਰ ਅਤੇ ਮੈਡਮ ਕੁਲਵਿੰਦਰ ਕੌਰ ਵੱਲੋਂ ਕੀਤੀ ਗਈ। ਜੂਨੀਅਰ ਵਿੰਗ ਵਿੱਚ ਖੁਸ਼ਪ੍ਰੀਤ ਕੌਰ ਜਮਾਤ 9ਵੀਂ ਪਹਿਲੇ ਨੰਬਰੇ ਤੇ ਸਰਬਜੀਤ ਕੌਰ ਜਮਾਤ 8ਵੀਂ ਦੂਸਰੇ ਨੰਬਰ ਅਤੇ ਮਹਿਕ ਚੌਹਾਨ ਜਮਾਤ 9ਵੀਂ ਤੀਸਰੇ ਨੰਬਰ ਤੇ ਰਹੀ। ਅੰਤ ਵਿੱਚ ਜੇਤੂ ਵਿਦਿਆਰਥੀਆਂ ਨੂੰ ਇਨਾਮ ਦਿੱਤੇ ਗਏ।

Author: Malout Live