31 ਦਸੰਬਰ ਤੋਂ ਪਹਿਲਾਂ ਜਲਦੀ ਕਰ ਲਓ ਇਹ ਕੰਮ! ਨਹੀਂ ਤਾਂ ਬੰਦ ਹੋ ਜਾਵੇਗਾ ਤੁਹਾਡਾ ਪੈਨ ਕਾਰਡ

ਮਲੋਟ (ਪੰਜਾਬ) : ਦੇਸ਼ ਦੇ ਕਰੋੜਾਂ ਪੈਨ ਕਾਰਡ (PAN card) ਧਾਰਕਾਂ ਲਈ ਇੱਕ ਵੱਡੀ ਖ਼ਬਰ ਹੈ। ਸਰਕਾਰ ਨੇ ਪੈਨ ਨੂੰ ਆਧਾਰ ਨਾਲ ਲਿੰਕ ਕਰਨ ਦੀ ਆਖਰੀ ਤਾਰੀਖ 31 ਦਸੰਬਰ 2025 ਤੈਅ ਕੀਤੀ ਹੈ। ਕੇਂਦਰ ਸਰਕਾਰ ਨੇ ਚੇਤਾਵਨੀ ਦਿੱਤੀ ਹੈ ਕਿ ਇਸ ਤਾਰੀਖ ਤੋਂ ਬਾਅਦ, ਬਿਨ੍ਹਾਂ ਲਿੰਕ ਕੀਤੇ ਗਏ ਪੈਨ ਕਾਰਡ 'inactive' ਮੰਨ ਲਏ ਜਾਣਗੇ, ਜਿਸ ਨਾਲ ਤੁਹਾਡੇ ਸਾਰੇ ਵੱਡੇ ਵਿੱਤੀ ਕੰਮ (financial transactions) ਰੁਕ ਸਕਦੇ ਹਨ। ਜੇਕਰ ਤੁਹਾਡਾ ਪੈਨ ਲਿੰਕ ਨਹੀਂ ਹੈ, ਤਾਂ 31 ਦਸੰਬਰ ਤੋਂ ਬਾਅਦ ਇਹ ਕਿਸੇ ਵੀ ਸਰਕਾਰੀ ਜਾਂ ਵਿੱਤੀ ਕੰਮ 'ਚ ਵੈਧ (valid) ਨਹੀਂ ਰਹੇਗਾ। ਸਭ ਤੋਂ ਵੱਡੀ ਮੁਸ਼ਕਿਲ ਇਨਕਮ ਟੈਕਸ (income tax) ਨਾਲ ਜੁੜੇ ਕੰਮਾਂ 'ਚ ਆਵੇਗੀ। ਤੁਸੀਂ ITR (ਆਈ.ਟੀ.ਆਰ) ਫਾਈਲ ਨਹੀਂ ਕਰ ਸਕੋਗੇ, ਤੁਹਾਡਾ ਰਿਫੰਡ ਅਟਕ ਜਾਵੇਗਾ ਅਤੇ ਰਿਟਰਨ (return) ਰਿਜੈਕਟ ਵੀ ਹੋ ਸਕਦੀ ਹੈ। ਇਸ ਤੋਂ ਇਲਾਵਾ, ਬੈਂਕਿੰਗ ਸੇਵਾਵਾਂ ਵੀ ਮੁਸ਼ਕਿਲ ਹੋ ਜਾਣਗੀਆਂ। ਤੁਸੀਂ ਨਾ ਤਾਂ ਨਵਾਂ bank account ਖੋਲ੍ਹ ਸਕੋਗੇ ਅਤੇ ਨਾ ਹੀ ਵੱਡੇ ਲੈਣ-ਦੇਣ ਕਰ ਸਕੋਗੇ।

Mutual Fund, share market ਜਾਂ ਕਿਸੇ ਵੀ ਤਰ੍ਹਾਂ ਦੇ ਨਿਵੇਸ਼ (investment) ਲਈ ਪੈਨ ਲਾਜ਼ਮੀ ਹੈ, ਇਸ ਲਈ ਤੁਹਾਡੇ ਨਿਵੇਸ਼ ਖਾਤੇ ਵੀ ਓਪਰੇਟ ਨਹੀਂ ਹੋਣਗੇ। ਪੈਨ ਅਤੇ ਆਧਾਰ ਨੂੰ ਲਿੰਕ ਕਰਨਾ ਇੱਕ ਬਹੁਤ ਹੀ ਸਰਲ ਪ੍ਰਕਿਰਿਆ ਹੈ ਅਤੇ ਇਸਨੂੰ ਕੁਝ ਹੀ ਮਿੰਟਾਂ 'ਚ ਆਨਲਾਈਨ (online) ਪੂਰਾ ਕੀਤਾ ਜਾ ਸਕਦਾ ਹੈ। ਇਸਦੇ ਲਈ ਤੁਹਾਨੂੰ ਇਨਕਮ ਟੈਕਸ ਈ-ਫਾਈਲਿੰਗ ਪੋਰਟਲ (e-filing portal) 'ਤੇ ਜਾਣਾ ਹੋਵੇਗਾ। ਉੱਥੇ ਆਪਣਾ ਪੈਨ, ਆਧਾਰ ਅਤੇ ਮੰਗੀ ਗਈ ਜਾਣਕਾਰੀ ਦਰਜ ਕਰਨ ਤੋਂ ਬਾਅਦ, ਤੁਹਾਨੂੰ 1000 (ਇੱਕ ਹਜ਼ਾਰ ਰੁਪਏ) ਦੀ ਲੇਟ ਫੀਸ (late fees) ਦਾ ਭੁਗਤਾਨ ਕਰਨਾ ਹੋਵੇਗਾ। ਪ੍ਰਕਿਰਿਆ ਪੂਰੀ ਹੁੰਦਿਆਂ ਹੀ ਪੈਨ ਦੁਬਾਰਾ ਐਕਟਿਵ (active) ਹੋ ਜਾਂਦਾ ਹੈ।

Author : Malout Live