ਬਾਰ ਐਸੋਸੀਏਸ਼ਨ ਮਲੋਟ ਦੇ ਨਵੇਂ ਅਹੁਦੇਦਾਰਾਂ ਨੇ ਸੰਭਾਲਿਆ ਕੰਮ ਕਾਜ
ਮਲੋਟ: ਮਲੋਟ ਬਾਰ ਐਸੋਸੀਏਸ਼ਨ ਦੇ ਮਿਤੀ 15-12-2023 ਨੂੰ ਹੋਏ ਸਲਾਨਾ ਇਲੈਕਸ਼ਨ ਵਿੱਚ ਜੇਤੂ ਰਹੇ ਉਮੀਦਵਾਰਾਂ ਨੇ ਇੱਕ ਸਾਦੇ ਸਮਾਰੋਹ ਵਿੱਚ ਕੰਮ ਕਾਜ ਸੰਭਾਲ ਲਿਆ ਹੈ। ਇਹ ਸਮਾਰੋਹ ਬਾਰ ਰੂਮ ਵਿੱਚ ਹੋਇਆ। ਸਮਾਰੋਹ ਵਿੱਚ ਮਲੋਟ ਦੇ ਜੱਜ ਸਾਹਿਬਾਨ ਸ਼੍ਰੀ ਨੀਰਜ ਗੋਇਲ, ਮੈਡਮ ਦਿਲਸ਼ਾਦ ਕੌਰ, ਸ.ਕੰਵਲਜੀਤ ਸਿੰਘ ਨੇ ਨਵੇਂ ਪ੍ਰਧਾਨ ਮੈਡਮ ਵਿਦੁਸ਼ੀ ਭੁੱਲਰ, ਜਨਰਲ ਸਕੱਤਰ ਸ਼੍ਰੀ ਵਿਕਾਸ ਸੱਚਦੇਵਾ, ਉਪ ਪ੍ਰਧਾਨ ਮੈਡਮ ਸ਼ਿਮਪੀ ਕਮਰਾ,
ਜੁਆਇੰਟ ਸਕੱਤਰ ਮੇਵਾ ਰਾਮ ਅਤੇ ਕੈਸ਼ੀਅਰ ਰਾਜਿੰਦਰ ਕੁਮਾਰ ਨੂੰ ਵਧਾਈਆਂ ਦਿੱਤੀਆਂ। ਬਾਰ ਦੇ ਨਵੇਂ ਪ੍ਰਧਾਨ, ਸਕੱਤਰ ਅਤੇ ਉਪ ਪ੍ਰਧਾਨ ਨੇ ਵੀ ਸਮੂਹ ਬਾਰ ਐਸੋਸੀਏਸ਼ਨ ਨੂੰ ਨਾਲ ਲੈ ਕੇ ਚੱਲਣ ਦੀ ਗੱਲ ਆਖੀ ਅਤੇ ਨਾਲ ਹੀ ਬਾਰ ਤੇ ਬੈਂਚ ਦੇ ਰਿਸ਼ਤੇ ਨੂੰ ਹੋਰ ਮਜ਼ਬੂਤ ਕਰਨ ਦਾ ਸੁਨੇਹਾ ਦਿੱਤਾ। ਨਵੇ ਚੁਣੇ ਅਹੁਦੇਦਾਰਾਂ ਨੇ ਇਲੈਕਸ਼ਨ ਕਮੇਟੀ ਅਤੇ ਆਰ.ਉ ਸ਼੍ਰੀ ਭਾਰਤੀ ਦਾ ਧੰਨਵਾਦ ਕੀਤਾ। ਇਹ ਸਮਾਰੋਹ ਬੜੇ ਖ਼ੁਸ਼ਨੂਮਾ ਮਾਹੌਲ ਵਿੱਚ ਸੰਪੰਨ ਹੋਇਆ। Author: Malout Live
