ਲੋਕ ਰੰਗ ਮੰਚ (ਰਜਿ.) ਮਲੋਟ ਵੱਲੋਂ 8 ਅਪ੍ਰੈਲ ਨੂੰ ਕਰਵਾਇਆ ਜਾਵੇਗਾ 38ਵਾਂ ਸੱਭਿਆਚਾਰਕ ਨਾਟਕ ਮੇਲਾ
ਮਲੋਟ: ਲੋਕ ਰੰਗ ਮੰਚ (ਰਜਿ.) ਮਲੋਟ ਵੱਲੋਂ 38ਵਾਂ ਸੱਭਿਆਚਾਰਕ ਨਾਟਕ ਮੇਲਾ 8 ਅਪ੍ਰੈਲ ਦਿਨ ਸ਼ਨੀਵਾਰ ਨੂੰ ਸ਼ਾਮ 7:00 ਵਜੇ ਪੰਜਾਬ ਰਿਜੋਰਟਸ ਜੀ.ਟੀ.ਰੋਡ ਮਲੋਟ ਵਿੱਚ ਕਰਵਾਇਆ ਜਾ ਰਿਹਾ ਹੈ। ਇਸ ਵਿੱਚ ਡਾ. ਸਾਹਿਬ ਸਿੰਘ (ਲੇਖਕ, ਨਿਰਦੇਸ਼ਕ ਅਤੇ ਅਦਾਕਾਰ) ਦਾ ਨਾਟਕ 'ਧੰਨ ਲੇਖਾਰੀ ਨਾਨਕਾ' ਖੇਡਿਆ ਜਾਵੇਗਾ। ਇਸ ਨਾਟਕ ਮੇਲੇ ਵਿੱਚ ਲੋਕ ਗਾਇਕ ਨਿਰਮਲਜੀਤ ਨਿੰਮਾ, ਸਤਪਾਲ ਭੂੰਦੜ ਹਾਜ਼ਰੀ ਲਗਵਾਉਣਗੇ। ਇਸ ਨਾਟਕ ਮੇਲੇ ਵਿੱਚ ਡਾ. ਸਾਹਿਬ ਸਿੰਘ, ਕੰਵਰਜੀਤ ਸਿੰਘ ਬਰਾੜ ਕੈਨੇਡਾ, ਦਰਸ਼ਨ ਸਿੰਘ ਜਟਾਣਾ ਅਤੇ ਸ.ਸ਼ੇਰ ਸਿੰਘ ਬਰਾੜ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕਰਨਗੇ। ਇਸ ਸਮਾਗਮ ਵਿੱਚ ਕੈਬਨਿਟ ਮੰਤਰੀ ਡਾ. ਬਲਜੀਤ ਕੌਰ ਅਤੇ ਹਲਕਾ ਲੰਬੀ ਦੇ ਵਿਧਾਇਕ ਜੱਥੇਦਾਰ ਗੁਰਮੀਤ ਸਿੰਘ ਖੁੱਡੀਆਂ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਣਗੇ। ਇਸ ਤੋਂ ਇਲਾਵਾ ਹੋਰ ਵੀ ਬਹੁਤ ਸਾਰੀਆਂ ਸਤਿਕਾਰਿਤ ਉੱਘੀਆਂ ਸਖਸ਼ੀਅਤਾਂ ਸ਼ਾਮਿਲ ਹੋਣਗੀਆਂ। ਲੋਕ ਰੰਗ ਮੰਚ ਮਲੋਟ ਵੱਲੋਂ ਸ਼ਹਿਰ ਨਿਵਾਸੀਆਂ ਨੂੰ ਸਮੇਂ ਸਿਰ ਪਹੁੰਚਣ ਦਾ ਨਿੱਘਾ ਸੱਦਾ ਦਿੱਤਾ ਜਾਂਦਾ ਹੈ। Author: Malout Live
