ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਮੰਡੀ ਹਰਜ਼ੀ ਰਾਮ ਮਲੋਟ ਵਿਖੇ ਨਾਨ-ਬੋਰਡ ਕਲਾਸਾਂ ਦੇ ਕੀਤੇ ਨਤੀਜੇ ਘੋਸ਼ਿਤ
ਮਲੋਟ:- ਮਲੋਟ ਸ਼ਹਿਰ ਦੀ ਨਾਮਵਰ ਸੰਸਥਾ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਮੰਡੀ ਹਰਜ਼ੀ ਰਾਮ ਮਲੋਟ ਵਿਖੇ ਅੱਜ ਨਾਨ ਬੋਰਡ ਕਲਾਸਾਂ ਦੇ ਨਤੀਜੇ ਘੋਸ਼ਿਤ ਕੀਤੇ ਗਏ। ਇਸ ਮੌਕੇ ਤੇ ਮਲੋਟ ਦੇ ਐੱਸ.ਡੀ.ਐੱਮ ਸ਼੍ਰੀ ਪ੍ਰਮੋਦ ਸਿੰਗਲਾ ਅਤੇ ਉਨ੍ਹਾਂ ਦੇ ਇਲੈਕਸ਼ਨ ਇੰਚਾਰਜ ਮਲੋਟ ਸ਼੍ਰੀ ਹਰੀਸ਼ ਕੁਮਾਰ ਵੀ ਉਨ੍ਹਾਂ ਨਾਲ ਹਾਜ਼ਿਰ ਆਏ। ਇਸ ਵਿਸ਼ੇਸ਼ ਸਮਾਗਮ ਵਿੱਚ ਸੰਸਥਾ ਦੇ ਪ੍ਰਿੰਸੀਪਲ ਸ਼੍ਰੀ ਬਲਜੀਤ ਸਿੰਘ, ਗੌਰਮਿੰਟ ਟੀਚਰ ਯੂਨੀਅਨ ਦੇ ਪ੍ਰਧਾਨ ਸ਼੍ਰੀ ਹਿੰਮਤ ਸਿੰਘ, ਇਸ ਸੰਸਥਾ ਦੇ ਰਿਟਾਇਰਡ ਪ੍ਰਿੰਸੀਪਲ ਸ਼੍ਰੀ ਵਿਜੇ ਕੁਮਾਰ ਗਰਗ, ਮਲੋਟ ਵਿਕਾਸ ਪਰਿਸ਼ਦ ਦੇ ਪ੍ਰਧਾਨ ਸ਼੍ਰੀ ਰਾਜਿੰਦਰ ਪਪਨੇਜਾ, ਸ਼੍ਰੀਮਤੀ ਬਿਮਲਾ ਦੇਵੀ ਸਾਬਕਾ ਐੱਮ.ਸੀ ਮਲੋਟ,
ਸ਼੍ਰੀ ਪਵਨ ਅਤੇ ਸਕੂਲ ਸਟਾਫ ਨੇ ਵਿਸ਼ੇਸ਼ ਮਹਿਮਾਨ ਐੱਸ.ਡੀ.ਐੱਮ ਮਲੋਟ ਸ਼੍ਰੀ ਪ੍ਰਮੋਦ ਸਿੰਗਲਾ ਨੂੰ ਜੀ ਆਇਆਂ ਕਿਹਾ। ਇਸ ਮੌਕੇ ਮੁੱਖ ਮਹਿਮਾਨ ਐੱਸ.ਡੀ.ਐੱਮ ਸ਼੍ਰੀ ਪ੍ਰਮੋਦ ਸਿੰਗਲਾ ਅਤੇ ਪ੍ਰਿੰਸੀਪਲ ਬਲਜੀਤ ਸਿੰਘ ਅਤੇ ਉਕਤ ਸਭਨਾ ਨੇ ਪੁਜੀਸ਼ਨਾਂ ਹਾਸਿਲ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਅਸ਼ੀਰਵਾਦ ਦਿੰਦੇ ਹੋਏ ਖੂਬ ਤਰੱਕੀਆਂ ਹਾਸਿਲ ਕਰਨ ਲਈ ਪ੍ਰੇਰਿਤ ਕੀਤਾ। ਐੱਸ.ਡੀ.ਐੱਮ ਮਲੋਟ ਅਤੇ ਉਨ੍ਹਾਂ ਦੇ ਨਾਲ ਹਾਜ਼ਿਰ ਸਭ ਪਤਵੰਤੇ ਸੱਜਣਾ ਦੀ ਆਮਦ ਤੇ ਸੰਸਥਾ ਦੇ ਕੰਪਿਊਟਰ ਅਧਿਆਪਕ ਸੁਰੇਸ਼ ਕੁਮਾਰ ਜੋ ਲੰਬੇ ਸਮੇਂ ਤੋਂ ਇਲੈਕਸ਼ਨਾਂ ਵਿੱਚ ਕੰਮ ਕਰ ਰਹੇ ਹਨ ਨੇ ਉਨ੍ਹਾਂ ਦਾ ਸਕੂਲ ਆਉਣ ਤੇ ਸਕੂਲੀ ਬੱਚੀਆਂ ਨੂੰ ਅਸ਼ੀਰਵਾਦ ਦੇਣ ਤੇ ਧੰਨਵਾਦ ਕੀਤਾ। Author : Malout Live
