ਐੱਸ.ਡੀ ਸੀਨੀਅਰ ਸੈਕੰਡਰੀ ਸਕੂਲ ਮਲੋਟ ਵਿੱਚ ESIC ਡਿਪਾਰਟਮੈਂਟ ਵੱਲੋਂ ਅਧਿਆਪਕਾਂ ਲਈ ਇੱਕ ਵਿਸ਼ੇਸ਼ 'ਹੈੱਲਥ ਚੈੱਕਅਪ ਅਤੇ ਜਾਗਰੂਕਤਾ ਕੈਂਪ ਦਾ ਆਯੋਜਨ

ਮਲੋਟ : ਐੱਸ.ਡੀ ਸੀਨੀਅਰ ਸੈਕੰਡਰੀ ਸਕੂਲ ਮਲੋਟ ਵਿਖੇ ਸਕੂਲ ਪ੍ਰਿੰਸੀਪਲ ਡਾ. ਨੀਰੂ ਬਠਲਾ ਵਾਟਸ ਦੀ ਅਗਵਾਈ ਹੇਠ ESIC ਡਿਪਾਰਟਮੈਂਟ ਵੱਲੋਂ ਸਕੂਲ ਦੇ ਅਧਿਆਪਕਾਂ ਲਈ ਇੱਕ ਵਿਸ਼ੇਸ਼ ਹੈੱਲਥ ਚੈੱਕਅਪ ਅਤੇ ਜਾਗਰੂਕਤਾ ਕੈਂਪ ਦਾ ਆਯੋਜਨ ਕੀਤਾ ਗਿਆ। ਇਸ ਕੈਂਪ ਵਿੱਚ ਡਾ. ਹਰਲੀਨ ਕੌਰ, ਸ. ਹਰਜਿੰਦਰ ਸਿੰਘ (ਫਾਰਮਾਸਿਸਟ), ਗੀਤਾ ਰਾਣੀ (ਏ.ਐਨ.ਐਮ) ਕੁਲਦੀਪ ਕੌਰ (ਆਸ਼ਾ ਵਰਕਰ) ਅਤੇ ਕਰਮਜੀਤ ਕੌਰ (ਆਸ਼ਾ ਵਰਕਰ) ਵੱਲੋਂ ਸ਼ਿਰਕਤ ਕੀਤੀ ਗਈ। ਇਸ ਮੌਕੇ ਉਨ੍ਹਾਂ ਦੁਆਰਾ ਅਧਿਆਪਕਾਂ ਦਾ ਹੈੱਲਥ ਚੈੱਕਅਪ ਕਰਕੇ ਉਨ੍ਹਾਂ ਦੇ ਰੋਗਾਂ ਸੰਬੰਧੀ ਦਵਾਈਆਂ ਦਿੱਤੀਆਂ ਗਈਆਂ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਅਧਿਆਪਕਾਂ ਨੂੰ ਰੋਗ ਮੁਕਤ ਹੋਣ ਦੇ ਮੂਲ ਮੰਤਰ ਵਜੋਂ ਆਪਣੇ ਖਾਣ-ਪੀਣ ਸੰਬੰਧੀ ਆਦਤਾਂ ਦੇ ਸੁਧਾਰ ਕਰਨ ਬਾਰੇ ਵੀ ਦੱਸਿਆ।

ਇਸ ਹੈੱਲਥ ਚੈੱਕਅਪ ਕੈਂਪ ਦਾ ਸਕੂਲ ਦੇ ਸਮੂਹ ਅਧਿਆਪਕਾਂ ਨੇ ਲਾਭ ਉਠਾਇਆ। ਇਸ ਮੌਕੇ ਸਕੂਲ ਪ੍ਰਿੰਸੀਪਲ ਨੇ ਕਿਹਾ ਕਿ ਐੱਸ.ਡੀ ਸੀਨੀਅਰ ਸੈਕੰਡਰੀ ਸਕੂਲ, ਮਲੋਟ ਸਿੱਖਿਆ ਦੇ ਖੇਤਰ ਵਿੱਚ ਤਾਂ ਮੋਹਰੀ ਰਿਹਾ ਹੀ ਹੈ ਪਰ ਨਾਲ ਹੀ ਆਪਣੇ ਸਕੂਲ ਦੇ ਅਧਿਆਪਕਾਂ ਨੂੰ ਚੜ੍ਹਦੀਕਲਾ ਵਿੱਚ ਰੱਖਣ ਲਈ ਸਕੂਲ ਵਿੱਚ ਅਜਿਹੇ ਪ੍ਰੋਗਰਾਮਾਂ ਦਾ ਆਯੋਜਨ ਕਰਦਾ ਰਹਿੰਦਾ ਹੈ। ਹੈੱਲਥ ਚੈੱਕਅਪ ਕੈਂਪ ਦੀ ਸਮਾਪਤੀ ਤੇ ਸਕੂਲ ਪ੍ਰਿੰਸੀਪਲ ਵੱਲੋਂ ਡਾ. ਹਰਲੀਨ ਕੌਰ, ਸ. ਹਰਜਿੰਦਰ ਸਿੰਘ (ਫਾਰਮਾਸਿਸਟ), ਗੀਤਾ ਰਾਣੀ (ਏ.ਐਨ.ਐਮ) ਅਤੇ ਉਨ੍ਹਾਂ ਨਾਲ ਆਏ ਕੁਲਦੀਪ ਕੌਰ ਅਤੇ ਕਰਮਜੀਤ ਕੌਰ ਆਸ਼ਾ ਵਰਕਰਾਂ ਦਾ ਸਕੂਲ ਪੁੱਜਣ ਤੇ ਤਹਿ-ਦਿਲੋਂ ਧੰਨਵਾਦ ਕੀਤਾ।

Author : Malout Live