ਜਿਲ੍ਹਾ ਬਾਲ ਸੁਰੱਖਿਆ ਅਫ਼ਸਰ ਨੇ ਬਾਲ ਵਿਆਹ ਨੂੰ ਕਰਵਾਉਣਾ ਦੱਸਿਆ ਕਾਨੂੰਨੀ ਜੁਰਮ

ਮਲੋਟ (ਸ਼੍ਰੀ ਮੁਕਤਸਰ ਸਾਹਿਬ) : ਜਿਲ੍ਹਾ ਬਾਲ ਸੁਰੱਖਿਆ ਅਫ਼ਸਰ ਡਾ. ਸ਼ਿਵਾਨੀ ਨਾਗਪਾਲ ਵੱਲੋਂ ਦੱਸਿਆ ਗਿਆ ਕਿ 18 ਸਾਲ ਤੋਂ ਘੱਟ ਉਮਰ ਦੀ ਲੜਕੀ ਅਤੇ 21 ਸਾਲ ਤੋ ਘੱਟ ਲੜਕੇ ਦੀ ਉਮਰ ਦਾ ਵਿਆਹ ਕਰਾਉਣਾ ਕਾਨੂੰਨੀ ਅਪਰਾਧ ਹੈ। ਇਸ ਪ੍ਰਕਿਆ ਦੌਰਾਨ ਸ਼ਾਮਿਲ ਹੋਣ ਵਾਲੇ ਬੱਚਿਆਂ ਦੇ ਮਾਤਾ-ਪਿਤਾ ਅਤੇ ਹੋਰ ਸਕੇ ਸੰਬੰਧੀ ਸਭ ਦੇ ਖਿਲਾਫ ਕਾਨੂੰਨ ਅਧੀਨ ਕਾਰਵਾਈ ਕੀਤੀ ਜਾ ਸਕਦੀ ਹੈ। ਇਸ ਬਾਲ ਵਿਆਹ ਵਿੱਚ ਸ਼ਾਮਿਲ ਹੋਣ ਵਾਲੇ ਹਰ ਵਿਆਕਤੀ ਨੂੰ ਜੁਰਮਾਨਾ ਅਤੇ ਸਜ਼ਾ ਦੀ ਪ੍ਰਾਵਧਾਨ ਹੈ। ਜਿਲ੍ਹਾ ਸ਼੍ਰੀ ਮੁਕਤਸਰ ਸਾਹਿਬ ਵਿੱਚ ਚਾਇਲਡ ਲਾਇਨ ਤੋਂ ਬਾਲ ਵਿਆਹ ਸੰਬੰਧੀ ਦੋ ਕੇਸ ਪ੍ਰਾਪਤ ਹੋਏ, ਜਿਸ ਵਿੱਚ ਦੋਨਾਂ ਕੇਸਾਂ ਵਿੱਚ ਲੜਕੀ ਦੀ ਉਮਰ 18 ਸਾਲ ਤੋਂ ਘੱਟ ਸੀ। ਮੌਕੇ ’ਤੇ ਪਹੁੰਚ ਕੇ ਦੋਨੋਂ ਬਾਲ ਵਿਆਹ ਰੁਕਵਾ ਦਿੱਤੇ ਗਏ।

ਦੋਨਾਂ ਪਰਿਵਾਰਾ ਨੇ ਸ਼ਗਨ ਦੀ ਰਸਮ ਵੀ ਅਦਾ ਕੀਤੀ। ਦੋਨਾਂ ਪਿੰਡਾ ਦੀ ਪੰਚਾਇਤ ਵੱਲੋਂ ਇਹ ਭਰੋਸਾ ਦਵਾਇਆ ਗਿਆ ਕਿ ਜਦ ਤੱਕ ਲੜਕੀ ਦੀ ਉਮਰ 18 ਸਾਲ ਦੀ ਨਹੀ ਹੋ ਜਾਂਦੀ ਤਦ ਤੱਕ ਆਨੰਦ ਕਾਰਜ ਨਹੀਂ ਕੀਤੇ ਜਾਣਗੇ। ਗੁਰਦੁਆਰਾ ਸਾਹਿਬ ਦੇ ਪਾਠੀ, ਮੰਦਿਰ ਦੇ ਪੁਜਾਰੀ ਅਤੇ ਹੋਰ ਧਾਰਮਿਕ ਸੰਸਥਾਵਾਂ ਜਿੱਥੇ ਵਿਆਹ ਕਰਵਾਏ ਜਾਂਦੇ ਹਨ, ਉਨ੍ਹਾਂ ਸੱਭ ਦੇ ਪ੍ਰਧਾਨ ਨੂੰ ਅਪੀਲ ਕੀਤੀ ਗਈ ਕਿ ਬੱਚਿਆਂ ਦੇ ਦਸਤਾਵੇਜ ਚੈੱਕ ਕਰਕੇ ਹੀ ਵਿਆਹ ਦੀ ਰਸਮ ਪੂਰੀ ਕੀਤੀ ਜਾਵੇ। ਬਾਲ ਵਿਆਹ ਰੁਕਵਾਉਣ ਲਈ ਜਿਲ੍ਹਾ ਬਾਲ ਸੁਰੱਖਿਆ ਦਫ਼ਤਰ ਤੋਂ ਸ਼੍ਰੀ ਸੋਹਲਪ੍ਰੀਤ ਕੌਰ ਬਾਲ ਸੁਰੱਖਿਆ ਦਫਤਰ, ਪਰਮਜੀਤ ਕੌਰ ਕੇਸ ਵਰਕਰ ਚਾਇਲਡ ਲਾਇਨ, ਗੁਰਜੋਤ ਸਿੰਘ ਸੁਪਰਵਾਇਜਰ ਚਾਇਲਡ ਲਾਇਨ, ਮੁਹੰਮਦ ਲਤੀਫ ਅਲੀ ਕੇਸ ਵਰਕਰ ਚਾਇਲਡ ਲਾਇਨ, ਗਾਰੀਮਾ ਬੇਦੀ ਸੁਪਰਵਾਇਜਰ, ਨਿਸ਼ਾ ਰਾਣੀ ਸੁਪਰਵਾਇਜਰ, ਰਮਨਦੀਪ ਕੌਰ ਪੰਜਾਬ ਪੁਲਿਸ ਮਹਿਲਾ ਮਿੱਤਰ ਅਤੇ ਏ.ਐਸ.ਆਈ ਹਾਕਮ ਸਿੰਘ ਪਹੁੰਚੇ ਸਨ।

Author : Malout Live