ਸਥਾਨਕ ਪ੍ਰਿੰਸ ਮਾਡਲ ਸਕੂਲ ਵਿਖੇ ਧੂਮ-ਧਾਮ ਨਾਲ ਮਨਾਇਆ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਦਾ ਤਿਓਹਾਰ
ਮਲੋਟ: ਸਥਾਨਕ ਪ੍ਰਿੰਸ ਮਾਡਲ ਸਕੂਲ ਵਿਖੇ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਦਾ ਤਿਓਹਾਰ ਬੜੀ ਧੂਮਧਾਮ ਨਾਲ ਮਨਾਇਆ ਗਿਆ। ਇਸ ਮੌਕੇ ਪ੍ਰਿੰਸੀਪਲ ਗੁਲਸ਼ਨ ਅਰੋੜਾ ਨੇ ਬੱਚਿਆਂ ਨੂੰ ਸ਼੍ਰੀ ਕ੍ਰਿਸ਼ਨ ਜੀ ਦੇ ਜਨਮ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ l ਇਸ ਪ੍ਰੋਗਰਾਮ ਵਿੱਚ ਸਕੂਲ ਦੇ ਬੱਚਿਆਂ ਵੱਲੋਂ ਸ਼੍ਰੀ ਕ੍ਰਿਸ਼ਨ ਜੀ ਦੇ ਭਜਨ ਗਾਏ ਅਤੇ ਸਾਰੇ ਬੱਚਿਆਂ ਨੂੰ ਚੌਕਲੇਟ ਅਤੇ ਟੌਫੀਆਂ ਵੰਡੀਆਂ । ਸਕੂਲ ਦੇ ਛੋਟੇ - ਛੋਟੇ ਬੱਚੇ ਰਾਧਾ ਕ੍ਰਿਸ਼ਨ ਅਤੇ ਗੋਪੀਆਂ ਦੇ ਪਹਿਨਾਵੇ ਵਿੱਚ ਸਜੇ ਬਹੁਤ ਹੀ ਸੁੰਦਰ ਲੱਗ ਰਹੇ ਸਨ। ਇਸ ਪ੍ਰੋਗਰਾਮ ਵਿੱਚ ਵੰਸ਼ਿਕਾ, ਨਰੇਸ਼, ਮਨਪ੍ਰੀਤ,
ਹਰਸ਼, ਸਾਰਥਕ, ਹਰਪ੍ਰੀਤ, ਮਨਜੋਤ, ਅਰਸ਼, ਮੰਨਤ, ਮਨੀਸ਼ਾ, ਤਪੱਸਿਆ, ਸੀਰਤ, ਪ੍ਰਿਆ ਅਤੇ ਪਵਨ ਨੇ "ਮੈਂ ਨੱਚਣਾ ਮੋਹਨ ਦੇ ਨਾਲ", ਵੋ ਕਿਸ਼ਨਾ ਹੈ", "ਚਾਟੀ 'ਚੋਂ ਮਧਾਣੀ ਲੈ ਗਿਆ", "ਮਈਆ ਯਸ਼ੋਦਾ, ਯੇ ਤੇਰਾ ਕਨ੍ਹਈਆ", "ਰਾਧਾ ਪਾਇਲ ਬਜਾਤੀ ਹੈ" ਅਤੇ "ਹੈਪੀ ਬਰਥਡੇ ਸ਼੍ਰੀ ਕ੍ਰਿਸ਼ਨਾ" ਆਦਿ ਭਜਨਾਂ 'ਤੇ ਬਹੁਤ ਹੀ ਮਨਮੋਹਕ ਡਾਂਸ ਕੀਤਾ। ਪ੍ਰੋਗਰਾਮ ਦੇ ਅੰਤ ਵਿੱਚ ਪ੍ਰਿੰਸੀਪਲ ਗੁਲਸ਼ਨ ਅਰੋੜਾ ਨੇ ਸਾਰੇ ਬੱਚਿਆਂ, ਸਮੂਹ ਸਟਾਫ ਮੈਂਬਰ ਅਤੇ ਆਏ ਹੋਏ ਮਾਤਾ ਪਿਤਾ ਨੂੰ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਦੀ ਵਧਾਈ ਦਿੱਤੀ। ਇਸ ਮੌਕੇ ਪ੍ਰਿੰਸੀਪਲ ਗੁਲਸ਼ਨ ਅਰੋੜਾ, ਸਿਮਰਨ ਅਰੋੜਾ, ਪ੍ਰਵੀਨ ਰਾਣੀ, ਬੱਚਿਆਂ ਦੇ ਮਾਤਾ-ਪਿਤਾ ਅਤੇ ਸਮੂਹ ਸਟਾਫ ਮੈਂਬਰ ਹਾਜ਼ਰ ਸਨ। Author: Malout Live
