ਪ੍ਰਿੰਸ ਮਾਡਲ ਸਕੂਲ ਮਲੋਟ ‘ ਚ ਸਾਲਾਨਾ ਇਨਾਮ ਵੰਡ ਸਮਾਗਮ ਕਰਵਾਇਆ

ਮਲੋਟ:- ਭਾਰਤ ਨਗਰ ਮਲੋਟ ਸਥਿਤ ਪਿੰਸ ਮਾਡਲ ਸਕੂਲ ਦਾ ਸਲਾਨਾ ਇਨਾਮ ਵੰਡ ਸਮਾਗਮ ਪਿੰਸੀਪਲ ਗੁਲਸ਼ਨ ਅਰੋੜਾ , ਸਿਮਰਨ ਅਰੋੜਾ ਅਤੇ ਪ੍ਰਵੀਨ ਪੋਪਲੀ ਦੀ ਅਗਵਾਈ ਵਿਚ ਕਰਵਾਇਆ ਗਿਆ। ਇਸ ਮੌਕੇ ਬੱਚਿਆਂ ਦੇਸ਼ ਭਗਤੀ , ਸਭ ਦਾ ਸਤਿਕਾਰ ਕਰਨਾ , ਯੋਗ ਅਭਿਆਸ ਨਾਲ ਸਰੀਰਕ ਫ਼ਾਇਦੇ ਸਬੰਧੀ ਕੋਰੀਓਗ੍ਰਾਫ਼ੀ ਪੇਸ਼ ਕੀਤੀ । ਇਸ ਦੌਰਾਨ ਅਬੋਹਰ ਮਹਿਲਾ ਉਥਾਨ ਮੰਡਲ ਅਤੇ ਯੋਗ ਵਿਦਾਂਤ ਸੰਮਤੀ ਫ਼ਾਜ਼ਿਲਕਾ ਦੀ ਟੀਮ ਵਲੋਂ ਸ੍ਰੀਮਤੀ ਮਧੂ ਨੇ ਮਾਤਾ ਪਿਤਾ ਪੂਜਣ ਵੀ ਕਰਵਾਇਆ , ਜਿਸ ਵਿਚ ਬੱਚਿਆਂ ਨੇ ਆਪਣੇ ਮਾਤਾ-ਪਿਤਾ ਦੀ ਪੂਜਾ ਕਰਕੇ ਉਨ੍ਹਾਂ ਤੋਂ ਜ਼ਿੰਦਗੀ ਵਿਚ ਕਾਮਯਾਬ ਹੋਣ ਲਈ ਆਸ਼ੀਰਵਾਦ ਵੀ ਲਿਆ।ਸਮਾਗਮ ਵਿਚ ਭਾਰਤ ਵਿਕਾਸ ਪ੍ਰੀਸ਼ਦ ਪੰਜਾਬ ਸਾਊਥ ਦੇ ਜਨਰਲ ਸਕੱਤਰ ਰਜਿੰਦਰ ਪਪਨੇਜਾ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ , ਜਦਕਿ ਭਾਰਤ ਵਿਕਾਸ ਪ੍ਰੀਸ਼ਦ ਦੇ ਜ਼ਿਲ੍ਹਾ ਪ੍ਰਧਾਨ ਸ਼ਗਨ ਲਾਲ ਗੋਇਲ , ਮਲੋਟ ਇਕਾਈ ਦੇ ਪ੍ਰਧਾਨ ਰਿੰਕੂ ਅਨੇਜਾ , ਕੈਸ਼ੀਅਰ ਸੋਹਨ ਲਾਲ ਗੁੰਬਰ , ਪ੍ਰਾਈਵੇਟ ਸਕੂਲਜ਼ ਐਸੋਸੀਏਸ਼ਨ ਦੇ ਜ਼ਿਲ੍ਹਾ ਪ੍ਰਧਾਨ ਵਿੱਕੀ ਨਰੂਲਾ , ਚਰਨਜੀਤ ਖੁਰਾਣਾ , ਸੰਗੀਤਕਾਰ ਵਿਨੋਦ ਖੁਰਾਣਾ , ਸੁਨੀਤਾ ਪਪਨੇਜਾ , ਪ੍ਰਿੰਸੀਪਲ ਧਰਮਪਾਲ ਗੁੰਬਰ , ਨੌਜਵਾਨ ਲੇਖਕ ਰੋਹਿਤ ਕਾਲੜਾ ਅਤੇ ਮੀਨਾਕਸ਼ੀ ਅਨੇਜਾ ਨੇ ਵੀ ਉਚੇਚੇ ਤੌਰ ‘ ਤੇ ਪਹੁੰਚ ਕੇ ਬੱਚਿਆਂ ਨੂੰ ਆਸ਼ੀਰਵਾਦ ਦਿੱਤਾ । ਇਸ ਮੌਕੇ ਮੁੱਖ ਮਹਿਮਾਨ ਰਜਿੰਦਰ ਪਪਨੇਜਾ ਨੇ ਸਕੂਲ ਪ੍ਰਬੰਧਕਾਂ ਦੀ ਪ੍ਰਸੰਸਾ ਕਰਦੇ ਕਿਹਾ ਕਿ ਸਕੂਲ ਵਲੋਂ ਬੱਚਿਆਂ ਵਿਚ ਮਾਤਾ-ਪਿਤਾ ਪ੍ਰਤੀ ਸਤਿਕਾਰ ਦੀ ਭਾਵਨਾ, ਸਭ ਦਾ ਸਤਿਕਾਰ ਕਰਨਾ ਜ਼ਰੂਰੀ ਹੈ । ਅੰਤ ਵਿਚ ਪਹਿਲੀ , ਦੂਜੀ ਅਤੇ ਤੀਜੀ ਪੁਜ਼ੀਸ਼ਨਾਂ ਹਾਸਿਲ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ ਅਤੇ ਮੁੱਖ ਮਹਿਮਾਨਾਂ ਨੂੰ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ।